بەرهەم ساڵح بۆ ئالنهیان: ئاسایشی ئیمارات بەشێکی دانەبڕاوە لەسەقامگیری ناوچەكە

سیاسی

18-01-2022, 13:05

+A -A

بەغداد (ئ.ه.ع)
بەرهەم ساڵح سەرۆك كۆماری عێراق رایگەیاند: ئاسایشی ئیمارات بەشێکی دانەبڕاوە لەسەقامگیری ناوچەكە.
سەرۆكایەتی كۆماری عێراق ئەمڕۆ سێ شەممە لە بەیاننامەیەكدا كە كۆپییەكی بۆ ئاژانسی هەواڵی عێراقی (ئ.ه.ع) ناردوە، دەڵێت: بەرهەم ساڵح سەرۆك كۆمار پەیوندییەكی تەلەفۆنی لەگەڵ شێخ محەمەد بن زاید ئالنهیان جێنشینی ئەبوزەبی ئەنجامداوەو تیایدا ئیدانەی ئەو هێرشە دوژمنكارانەی كرد كە كرایە سەر ئیماراتی یەكگرتوی عەرەبی و وتیشی: ئەم جۆرە کارانە هەڕەشەیە بۆ سەر ئاسایش و سەقامگیری تەواوی ناوچەکە.
سەرۆك كۆمار رایگەیاند: عێراق لەگەڵ ئیمارات هاوسۆزەو ئاسایش و سەقامگیریی ئیماراتیش بەشێکی دانەبڕاوە لە ئاسایش و سەقامگیری هەموو ناوچەکە.
بەرهەم ساڵح جەختی لە گرنگی پەیوەندییە دووقۆڵییەکانی نێوان هەردوو گەل و هەردوو وڵاتی برا کردەوە، لەبەرامبەردا شێخ محەممەد بن زاید ئالنهیان ستایشی پەیوەندیە تەلەفۆنیەكەی سەرۆک کۆماری کرد و ستایشی پێگەی عێراقی بۆ پشتگیریکردنی ئیمارات كرد.
هەروەها سوپاسی هەوڵەکانی عێراقی كرد بۆ بەرقەرارکردنی ئاشتی لە سەرانسەری ناوچەكەدا.