مانگرتنی گشتی دامودەزگاكانی حكومەت لە غەزە پەكدەخات
- 26-02-2018, 00:00
بەدواداچوون – ا ه ع مانگرتنی گشتی، ئەمرۆ دوو شەممە، لە كەرتی غەزە سەرجەم بەندەر و فەرمانگە حكومیەكانی پەكخست لە نێویشیاندا كەرتی تەندروستی و خوێندن و دادگا، ئەوەش لەسەر داوای سەندیكای فەرمانبەران بەهۆی نەدانی شایستە داراییەكانیانەوە. مانگرتنەكەش بووەهۆی داخستنی دەرگای سەرجەم دامەزراوە حكومیەكان ئەوەش دووەم مانگرتنی ناڕەزاییە كە لەماوەی ئەم مانگەدا رێكدەخرێت. لای خۆیەوە خەلیل حەمادە وتەبێژی سەندیكای فەرمانبەران رایگەیاند ئەو مانگرتنەیان بەشێكە لە نارەزاییەكانیان و بەردەوامیش دەبن تا حكومەت وەڵامی سەرجەم داواكارییەكانیان دەداتەوە. وتیشی تا ئێستا فەرمانبەران تەنها لەسەدا 40ی موچەكانیان لە ماوەی پێنج مانگی رابردوودا وەرگرتووە
