ئۆپراسیۆنەكانی بەغداد تەقینەوەیەکی کۆنترۆڵکراوی لە باشووری پایتەخت راگەیاند
ئەمنی
- 17-01-2022, 13:10
بەغداد (ئ.ه.ع)
فەرماندەیی ئۆپەراسیۆنەکانی بەغدا ئەمڕۆ دووشەممە تەقینەوەیەکی کۆنترۆڵکراوی لە باشووری بەغدادی پایتەخت راگەیاند.
فەرماندەی ئۆپراسیۆنەكانی بەغداد لە بەیاننامەیەكدا كە كۆپییەكی بۆ ئاژانسی هەواڵی عێراقی (ئ.ه.ع) ناردوە، دەڵێت: بە هەوڵی ئەندازیاریی فیرقەی پیادەی ۱۷ تەقینەوەیەکی کۆنترۆلکراوی پاشماوەی شەڕی چەتەکانی داعشی لەو شوێنە ئەنجامدا، كە فیرقەی ۱۷ بۆ ئەو كارەی دیاریكردبوو لە نزیک قەزای مەحمودییە لە باشووری بەغداد.
راشیگەیاند: ئەو پاشماوانە پێشتر دەستیان بەسەردا گیراوە.
