رابیتەی بانكەكان قەبارەی ئاڵوگۆڕی لە بۆرسەی عێراق دەستنیشان دەكات

به‌غداـ(ئ.ە.ع)
 
رابیتەی بانكە ئەهلییەكانی عێراق ئەمڕۆ سێشەممە دووپاتكردەوە لەسەر باشبوونی بەرێوەچوونی بۆرسەی عێراق لەماوەی ساڵی ڕابردووداو هۆكارەكەشی ڕوونكردەوە كەكەرتی بانكی 95٪ ی ڕێژەی بازرگانیی تێدا ئاڵوگۆڕ كردووە.
عەلی تاریق، بەڕێوەبەری جێبەجێكاری رابیتەی بانكەكان، لە راگەیەندراوێکدا كە دەستی ئاژانسی هەواڵی عێراقی (ئ،ه،ع) بڵاویكردەوە: باشبوونی ئەدای بۆرسەی عێراق لە ماوەی ساڵی ڕابردوودا دەگەڕێتەوە بۆ كەرتی بانك كە 95٪ ی  ئاڵوگۆڕی ڕێژەی بازرگانی بووە و وتیشی: بەبەراورد بە ساڵی 2020، ژمارەی ئەو پشكانەی لە كەرتی بانكدا بازرگانیان كردووە بە 142.3٪ زیادیكردووە، لە 368.4 ملیار پشكەوە، بەبەراورد بە رێژەی 892.8 ملیار لە ساڵی 2021دا
وتیشی: بەهای ئەو پشكانەی بازرگانیان پێكراوە بەڕێژەی 244٪ زیادیكردووە، چونكە لەساڵی 2020دا زیاتر لە 193.6 ملیار دینار بووە، لەكاتێكدا ساڵی ڕابردوو 666.5 ملیار دینار بووە،وتیشی: ساڵی پار ژمارەی مامەڵەكان بەرزبوویەوە بۆ 40 هەزار و 856 كە لە ساڵی 2020دا لە 18 هەزار و 792 مامەلە بووە،
باسی لەوەشکرد: سیاسەتی بانكی ناوەندی بە شێوەیەكی بەرچاو بەشداری كردووە لە باشكردن و گەشەپێدانی ئەدای كەرتی بانكەكان لە ماوەی ساڵی ڕابردوودا كە كاری لەسەر بەرزبوونەوەی پشكی هەندێك بانك كردووە.
تاریق، وتیشی: بەدەستهێنانی لقەكانی بانكی  (عودە) ی لوبنانی لە عێراق یەكێكە لە گرنگترین پێشهاتە ئەرێنییەكان كە كاریگەری لەسەر پشكی بازاڕ هەبووە، جگە لە یەكگرتنی یەكەم بانكی پایتەخت و بانكی نێودەوڵەتی ئیسلامی و فراوانبوونی هەندێك بانكی ئەهلی عێراق.
وتیشی: لە ساڵی 2020دا چوار بانكی لیستكراو پایتەخت زیادیان كردووە: تەیفی ئیسلامی، ئاسیا عێراق، موستەشار  و ئەمینی عێراق، هاوكات چوار بانكی لیستكراو دابەشی پشكەكانیان كردووە: بانكی تجاری، ئەهلی عێراق، مەنسور و تەیف،
ئەو داوای لە كەرتی بانك كرد كە "بەردەوام بێت لە گرنگیدان بە بەهای پشكەكانی بانك لە ڕێگەی ئاشكراكردنی خولیی داتا و دابەشكردنی قازانج بەسەر خاوەن پشكەكاندا،بۆرسەی عێراق لە ساڵی 2021دا بە بەراورد بە ساڵی 2020 بەرزبوونەوەیەكی 131٪ ی پشكەكانی ڕاگەیاند.