لە ساڵی 2021 دا چوار ملیۆن گەشتیار سەردانی هەرێمی كوردستانیان كردوە
ناوخۆ
- 8-01-2022, 20:00
سلێمانی (ئ.ه.ع)
دەستەی گەشتوگوزاری هەرێمی كوردستان لە راگەیەندراوێكدا ئاماری سەردانی گەشتیاران لە ۷ ساڵی رابردوودا بڵاوكردوەتەوەو دەڵێت: لە ساڵی 2021 زۆرترین ڕێژەی هاتنی گەشتیار بۆ هەرێمی کوردستان تۆمارکراوە و یەکەمین ساڵە ٤ ملیۆن گەشتیار تێپەڕیوە، کە دەکاتە 525% بەراورد بە حەوت ساڵی ڕابردوو.
دەستەی گەشتوگوزاری هەرێم ئاماژەی بۆ ئەوەشكردوە: بەھۆی سروشتی جوانی کوردستان و ئەو گرنگییەی بە کەرتی گەشتیاری دەدرێت، ساڵ بە ساڵ ھاتنی گەشتیاران بۆ ھەرێمی کوردستان لە هەڵکشاندابووە، جگە لە ساڵی 2020، کە بەھۆی ھاتنی ڤایرۆسی کۆرۆنا، زۆربەی سنوورەکان لە جیھان داخرابوون.
