عێراق 50 تۆمه‌تبار له سوریا وه‌رده‌گرێته‌وه كه په‌یوه‌ندیان به‌داعشه‌وه هه‌یه
ئەمنی
- 8-01-2022, 13:40
به‌غدا-(ئ.ه.ع)
شانه‌ی ڕاگه‌یاندنی ئه‌منى، ئه‌مڕۆ شه‌ممه ڕایگه‌یاند، 50 كه‌س له سوریاوه ڕاده‌ستی عێراق كراون كه به‌تۆمه‌تی په‌یوه‌ندی له‌گه‌ڵ داعش له‌و وڵاته ده‌ستگیركرابون.
شانه‌ی ڕاگه‌یاندنی ئه‌منى له‌ڕاگه‌یه‌ندراوێكدا كه ده‌ستى ئاژانسى هه‌واڵى عێراقى(ئ.ه.ع)كه‌وتووه رایگه‌یاند:" عێراق 50 تۆمه‌تباری سه‌ر به‌رێكخراوی داعشی له سوریا وه‌رگرتوه كه سه‌رجه‌میان هه‌ڵگری ره‌گه‌زنامه‌ی عێراقین و له‌و وڵاته ده‌ستگیركراون".
ئه‌وه‌شی خسته‌ڕوو" ڕاده‌ستكردنی تۆمه‌تباره‌كان، به هه‌ماهه‌نگی له‌نێوان فه‌رمانده‌یی ئۆپه‌راسیۆنه هاوبه‌شه‌كان و لایه‌نی سوریا له ڕێگه‌ی ده‌وازه‌ی سنوری ڕه‌بیعه‌وه ئه‌نجامدراوه، له‌لایه‌ن ده‌زگای هه‌واڵگریی و لێكۆڵینه‌وه‌ی فیدڕاڵی وه‌زاره‌تی ناوخۆ تۆمه‌تباره‌كان وه‌رگیراون بۆ گرتنه‌به‌ری ڕێكاری یاسایی پێویست به‌رامبه‌ریان".
