سەدر بەبۆنەی کشانەوەی هێزەکانی هاوپەیمانان بەیانامەیەکی بڵاوکردەوە

به‌غدا-اه‌ع   
موقتەدا سەدر رێبەری رەوتی سەدر  ، ئەمڕۆ پێنجشەممە، بەبۆنەی کشانەوەی هێزەکانی هاوپەیمانان بەیانامەیەکی بڵاوکردەوە .
دەقی بەیانامەکەی موقتەدا سەدر: 
１-داواکارییەکی یاسایی پێشکەشی ئەنجومەنی ئاسایش دەکرێت بۆ رەزامەندی دەربرین لەسەر بریارەکە. 


 2- چۆڵکردنی بنکە سەربازییەکان و رادەستکردنەوەیان بە هێزە ئەمنییەکانی عێراق. 


 3- دیارکردنی ئەرکەکانی هێزەکانی بیانی و  و پابەند بوون پێوەی. 


4 - دیاریکردنی ژمارەی ئەو کەسە بیانیانەی کە لە خاکی عێراقدا بوونیان هەیە. 


5 -دەبێت بەپێی یاساکانی عێراقی ئەو کەسانەی ماونەوتەوە هاتووچۆی ناوخۆ و دەرەوەی عێراق بکەن. 


 6-حکومەتی عێراقی خۆی سەرپەرشتی وەرگرتنی یارمەتیە لۆجستی ئەمنییەکان دەکات و هیچ لایەنێکی دیکە بۆی نییە سەرپەرشتی ئەم کارە بکە. 


7 - رێزگرتنی رێرەوی ئاسامانی عێراق و بەکارنەهێنانی تەنها دوای دەربڕینی رەزامەنی عێراق. 


 8- عێراق خاوەنی سەروەری خۆیەتی، هەر رێکەوتنێک لە دەرەوەی سەروەری وڵاتەکە بێت رەتدەکرێتەوە. 


9 -ئەم هەنگاوە بە سەرەتایەک دادەندرێت بۆ کۆتایی هێنان بە بوونی هێزی بیانی لە عێراق لە ناویدا راوێژکاران. 


10 - قەدەغەیە هیچ هێزیکی ئەمریکی لە نێو کۆنسوڵخانەی ئەمریکا بێت و هێزە ئەمنییەکانی عێڕاق رادەسپێردرێن بە پاراستنی کۆنسوڵخانەکە. 


11 - نوێنەرایەتی دیبلۆماسی لەنێوان ئەو دوو وڵاتە دەبێت بەشێوەیەکی یەکسان بێت و بەگوێرەی یاساکانی دیبلۆماسی بێت. 


12- دەبێت سەرۆکوەزیران ئەم بریارە جێبەجێ بکات بەهۆیەوە ببێتە هۆی کۆتایی هێنان بە داگیرکاری.