ڕەسوڵ:هەوڵی بەئامانجکردنی کاروانی گواستنەوەی کەلوپەلی لۆجستی ھێزەکانی ھاوپەیمانیی لە بابل پوچەڵکرایەوە
ئەمنی
- 19-12-2021, 10:20
به‌غدا-اه‌ع
لیوا یەحیا ڕەسوڵ وتەبێژی فەرماندەی گشتی هێزە چەکدارەکان،ئەمڕۆ یەکشەممە،رایگەیاند هەوڵی بەئامانجکردنی کاروانی گواستنەوەی کەلوپەلی لۆجستی ھێزەکانی ھاوپەیمانیی لە بابل پوچەڵکرایەوە.
ڕەسوڵ لە راگەیەندراوێکدا کە دەستی ئاژانسی هەواڵی عێراقی(اەع) کەوتووە رایگەیاند کە:" دوو بۆمب بۆ بەئامانجکردنی کاروانی گواستنەوەی کەلوپەلی لۆجستی سەربە ھێزەکانی ھاوپەیمانیی نێودەوڵەتی دژبە داعش لەسەر رێگای خێرای بابل، چێنرابوون".
وتیشی" کە یەکێک لە بۆمبەکان، لەلایەن ھێزەکانی ئاژانسی ھەواڵگریی و لێکۆڵینەوەی فیدراڵیی سەربە وەزارەتی ناوخۆ بە کۆنترۆڵکراوی تەقێندراوەتەوە و بۆمبەکەی دیکەیش پووچەڵکراوەتەوە".
