سەرۆک کۆمار و عامری جەختیانکردەوە لە گرنگی پاراستنی ئاسایش و سەقامگیری وڵات
سیاسی
- 8-12-2021, 22:07
به‌غدا-اه‌ع
بەرهەم ساڵح سەرۆک کۆمار،ئەمڕۆ چوارشەممە،لەگەڵ هادی عامری سەرۆکی هاوپەیمانی فەتح، جەختیانکردەوە لە گرنگی پاراستنی ئاسایش و سەقامگیری وڵات.
نوسینگەی راگەیاندنی سەرۆکایەتی کۆمار لەراگەیەندراوێکدا کەدەستی ئاژانسی هەواڵی عێراقی(اەع) کەوتووە رایگەیاند:"د. بەرھەم ساڵح، سەرۆک کۆمار پێشوازیکرد لە هادی عامری، سەرۆکی هاوپەیمانی فەتح و سەبارەت بە بارودۆخی گشتی وڵات و دوا پێشهاتە سیاسی و ئەمنییەکان گفتوگۆکرا".
لە دیدارەکەدا جەختکرایەوە لە پێویستی پاراستنی ئاسایش و سەقامگیری وڵات و رووبەڕووبوونەوە و ریشەکێشکردنی پاشماوەکانی داعش و رێگرتن لە کارە تیرۆریستییە تاوانکارییەکان کە ھاووڵاتییان دەکاتە ئامانج، ھەروەھا دووپاتکرایەوە لە گرنگی سازان و یەکڕیزی نیشتمانی و کۆتایی ھێنان بە کێشەکان بە ئاڕاستەی پاراستنی پەرژەوەندییە نیشتمانییەکان.
