کازمی وتۆلەر جەختیانکردەوە لەگرنگی ڕۆڵی عێراق لەپتەوکردنی ئاسایش وئارامی هەرێمایەتی
سیاسی
- 4-12-2021, 18:30
به‌غدا-اه‌ع
مستەفا کازمی سەرۆک وەزیران و ماتیو تۆلەر باڵیۆزی ئەمریکا لەعیراق ،ئه‌مڕۆ شەممە جەختیانکردەوە لەگرنگی ڕۆڵی عێراق لەپتەوکردنی ئاسایش وئارامی هەرێمایەتی.
نوسینگه‌ى راگه‌یاندنى سه‌رۆك وه‌زیران له راگه‌یه‌ندراوێكدا كه ده‌ستى ئاژانسی هەواڵی عێراقی (اه‌ع)كه‌وتووه رایگه‌یاند: "مستەفا کازمی سەرۆک وەزیران پێشوازى كرد له باڵیۆزی ویلایەتە یەکگرتووەکان لە عێراق، ماپیو تۆلەر و شاندی یاوەری".
لەبەیاننامەکەدا هاتووە: "کۆبوونەوەکە گفتوگۆی ڕێگاکانی پتەوکردنی بوارەکانی هاوکاری و هاوبەشی نێوان هەردوو وڵات و گفتوگۆکردن لەسەر دوایین پێشهاتە ئەمنییەکانی ناوچه‌كه و جەختکردنەوە لەسەر ڕۆڵی گەشەسەندووی عێراق لەگەشەپێدانی ئاسایش و سەقامگیری".
هەروەها لە کۆبوونەوەکەدا باس لە پێشکەوتنەکان کرا لە کۆتایی هێنان بە ڕۆڵی شەڕانەی هێزەکانی هاوپەیمانان لە عێراق بە پێی هەڵگرتنەوەی دیالۆگی ستراتیژی و چوون بۆ ڕۆڵی ئامۆژگاری و هاوکاری و تواناسازی".
