عامرى:به‌رده‌وامین له تانه‌كانمان له ئه‌نجامى هه‌ڵبژاردنه‌كان له‌لایه‌ن دادگاى فیدڕاڵیه‌وه
سیاسی
- 4-12-2021, 15:33
به‌غدا-اه‌ع
سەرۆکی هاوپەیمانی فەتح هادی عامرى ،ئه‌مڕۆ شەممە جه‌ختیكرده‌وه هاوپەیمانی فەتح بەردەوامە لە تانه‌دان له ئه‌نجامه‌كانى هەڵبژاردن بۆ دادگای فیدراڵی.
عامرى لە کۆنگرەیەکی ڕۆژنامەوانیدا کە ئاژانسی هەواڵی عێراقی (اه‌ع) ئامادەیبوو رایگه‌یاند:" هەڵبژاردنەکانی ئۆکتۆبەر لەو کەش و هەوایەدا ئەنجام نەدرا کە هیوامان پێیە و کۆمیسیۆنەکە نەیتوانی هەڵبژاردن بەڕێوە ببات به‌شێوه‌یه‌كى باش ".
وتیشی "ئەنجامی هەڵبژاردنەکان سەلماندی کە کۆمیسیۆن لە بەڕێوەبردنیدا ناتەواوە".
ناوبراو، جەختیشیکردەوە "کۆمیسیۆن پابەندی ڕێوشوێنەکانی نەبوو و زنجیرەیەک سه‌رپێچى ئەنجامدا کە یەکەمیان پێشێلکردنی یاساکە بوو چونکە بانگەشەی ئەوەی دەکرد کە ئەنجامە سەرەتاییەکان ڕایانگەیاندووە کە نوێنەرایەتی 94٪ ی دەنگەکانی کردووە، لەکاتێکدا ئەوەی ڕاگەیەندرا تەنها 79٪ بوو"،ئاماژه‌ى به‌وه‌كرد"هاوپەیمانی فەتح گومانی هەیە لەسەر ئامێرەکانی هەڵبژاردن".
عامرى وتیشى"لە هەموو کۆبوونەوەکاندا هاوپەیمانی فەتح نیگەرانی خۆی دەربڕی سەبارەت بە دەستکاریکردنی ئەلیکترۆنی ئەنجامەکانی هەڵبژاردن، بەڵام کۆمسیۆنی هەڵبژاردنەکان دڵنیاکرایەوە کە هیچ توانایەک نییە بۆ ئەو دەستکاریکردنە و هیچ راپۆرتێکی پێشکەش بە ئەنجومەنی نوێنەران نەکرد،چونکە بڕیاردان لەسەر ئەمە ته نها پێشینەی ئەنجومەنی نوێنەرانە نەک کۆمسیۆن".
باسى له‌وه‌شكرد"کۆمسیۆنی هەڵبژاردنەکان پابەند نەبوو بە ڕادەستکردنی شریتی ئەنجامەکان بە نوێنەری قەوارە سیاسییەکان پێش ناردنیان لە سەنتەری گواستنەوە".
