راگه‌یاندنى ئه‌منى دیارترین ده‌ره‌نجامه‌كانى كۆبونه‌وه‌ى نێوان ئۆپراسیۆنه هاوبه‌شه‌كان و پێشمه‌رگه بڵاو ده‌كاته‌وه
ئەمنی
- 4-12-2021, 16:30
به‌غدا-اه‌ع
شانه‌ى ڕاگەیاندنی ئه‌منى ،ئه‌مڕۆ شەممە،دیارترین ئەنجامی کۆبوونەوەکەی نێوان فەرماندەیی ئۆپەراسیۆنە هاوبەشەکان و پێشمەرگەى ڕاگەیاند .
له راگه‌یه‌ندراوێكى شانه‌كه كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:"فه‌ریق یه‌كه‌م روكن عەبدولئەمیر ئەلشەمری، جێگری فەرماندەی ئۆپەراسیۆنە هاوبەشەکان، جێگری فەرماندەی ئەرکانی سوپا بۆ ئۆپەراسیۆنەکان، فەرماندەی هێزی زەمینی،بەڕێوەبەری هەواڵگری سەربازی و فەرماندەیی ئۆپەراسیۆنەکانی دیالەوە کەرکوک، پێشوازیان كرد له وەفدێکی بالای ئەمنی بە سەرۆکایەتی لیوا جەبار یاوەر سکرتێری گشتی وەزارەتی پێشمەرگە لەحکومەتی هەرێمی کوردستانی عێراق و سەرکردەکانی تەوەرەکانی یەکەم و دووەم و سێیەم و سەرسوڕهێنەری هێزی پێشمەرگە و ئامادەبوونی فەرماندەی هێزەکانی هاوپەیمانان لەعیراق".
ئاماژه‌ى به‌وه‌كرد" لە کۆبوونەوەکەدا گفتوگۆکرا لەبارەی یەکخستنی هەوڵە ئەمنی و سەربازییەکان بۆ بەرپەرچدانەوەی هێرشە تیرۆریستییەکانی داعش و لێکتێگەیشتنی ئەمنی و سەربازی لە ناوچە سنورییەکانی نێوان هەرێم و ناوەند."
باسى له‌وه‌كرد"لە کۆبوونەوەکەدا هەردوولا کۆک بوون لەسەر هاوکاری و هەماهەنگیی هێزەکان و یەکخستنی هەوڵەکان بۆ شەڕی تیرۆریستانی داعش و هەروەها بەردەوامبوون لە کۆبوونەوە دووقۆڵییەکانی نێوان سەرکردە سەربازییەکانی هەردوولا."
