نرخى لیره‌ى توركى زیاتر دابه‌زى
ئابوری
- 3-12-2021, 13:42
به‌دواداچون-اه‌ع
نرخی لیرەی تورکی بەردەوامە لە دابەزین و بەشێکی دیکەی نرخەکەی لەدەستدا بەشێوەیەک لە ئێستادا 100 دۆلار نزیکدەبێتەوە لە هەزار و 400 لیرە.
نرخی لیرەی تورکی بەرامبەر دۆلار زیاتر دابەزی و 100 دۆلار بەرامبەر هەزار و 380 لیرە مامەڵەی پێوەدەکرێت، لەکاتێکدا دوێنێ بەرامبەر هەزار و 340 لیرە بوو.
بەگوێرەی داتاکان، تەنها لەماوەی ئەمساڵدا لیرەی تورکی 44%ی بەهاکەی لەدەستداوە کە ئەوەش بۆ یەکەمجارە لە مێژووی ئەو دراوەدا ڕوو دەدات.
دابەزینی نرخی لیرە دۆخێکی ئابوریی سەختی لەو وڵاتە دروست کردووە و پێشبینی دەکرێت ڕێژەی هەڵاوسان 21%ی تێپەڕاندبێت.
