روسيا بانگهێشتنامەیەکی ئاراستەی کازمی کرد بۆ سەردانیکردنی مۆسکۆ

به‌غدا-اه‌ع   
سەرۆک وەزیران مستەفا کازمی ،ئەمڕۆ سێشەممە،بانگهێشتنامەیەکی بۆ سەردانی مۆسکۆی پایتەختی ڕوسیا پێگەیشت.
نوسینگەی راگەیاندنی سەرۆک وەزیران لە راگەیەندراوێکدا کە دەستی ئاژانسی هەواڵی عێراقی(اەع) کەوتووە رایگەیاند:"مستەفا کازمی سەرۆک وەزیران پێشوازی کرد لە نێردراوی تایبەتی سەرۆکی ڕووسیای بۆ ڕۆژهەڵاتی ناوەڕاست و وڵاتانی ئەفریقا و میخایل بۆگدانۆڤ جێگری وەزیری دەرەوەی ڕووسیا".
ئاماژەی بەوەکرد"کۆبوونەوەکە شاهیدی گفتوگۆی هەموو پەیوەندی و ڕێگاکانی عێراق و ڕوسیا بوو بۆ پەرەپێدانیان بۆ بەرژەوەندی هەردوو وڵاتی دۆست" هەروەها ئەوەشی وت" بواری هاوکاری سەربازی و ئەمنی دوولایەنە و شەڕی تیرۆر و بەدواداچوونی پاشماوەکانی تیرۆریستانی داعش، هەروەها باس لە بارودۆخی سوریا و ڕۆڵی عێراق لە هێورکردنەوە و بەرزکردنەوەی سەقامگیری لە ناوچەکەدا کرا".
کازمی جەختیکردەوە لە"گرنگی ڕۆڵی مێژوویی ڕووسیا لە ناوچەکەدا و ئاواتی عێراق بۆ هەماهەنگی زیاتر لەگەڵ کۆماری ڕووسیا لە بواری سیاسی و ئابووری و فراوانبوونی کاری کۆمپانیا ڕوسییەکان لە عێراق لە هەموو بوارەکانی وەبەرهێنان و زاڵبوون بەسەر ئاستەنگەکان لەبەرامبەر بەشداریکردنی لەپتەوکردنی ئابووری عێراقدا".
لاى خۆیەوە بۆگدانۆڤ "بانگهێشتنامەی سەرۆک وەزیرانی ڕوسیای گەیاندە کازمی بۆ  سەردانی مۆسکۆ".
کازمی سوپاسی ئەو بانگهێشتەی کرد و گوتی کە بەزووترین کات ئەو سەردانەی روسیا ئەنجامدەدات".