پارتى تاووتوێی رێكار و رۆڵی دادگا له دۆسیه‌ی هه‌ڵبژاردن ده‌كات
سیاسی
- 8-11-2021, 13:44
به‌غدا-اه‌ع
شاندێكی پارتی دیموكراتی كوردستان، ئه‌مڕۆ دووشه‌ممه به سه‌رۆكایه‌تی هوشیار زێباری، سه‌ردانی ئه‌نجومه‌نی باڵای دادوه‌ری كرد.
سه‌نته‌رى راگه‌یاندنى شه‌نجومه‌نه‌كه له راگه‌یه‌ندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" دكتۆر فائیق زێدان، سه‌رۆكی ئه‌نجومه‌نی باڵای دادوه‌ریی پێشوازی كرد له شاندێكى پارتى ، كه تێیدا سه‌رۆكی دادگای فیدراڵی جاسم محه‌مه‌د عه‌بود و سه‌رۆكی داواكاری گشتی نه‌جم عه‌بدوڵڵا مه‌شهه‌دانی ئاماده‌یبوون".
ئاماژه‌ى به‌وه‌كرد"له دیداره‌كه‌دا شاندی پارتی له‌گه‌ڵ ئه‌نجومه‌نی باڵای دادوه‌ری تاووتوێی رێكاره‌كان و رۆڵی دادگاكان كرا، له دۆسیه‌ی هه‌ڵبژاردنی ئه‌نجومه‌نی نوێنه‌رانی عێراق، به‌پێی ده‌ستوور و یاسا".
