ده‌ستگیركردنى 6 تیرۆرستى سه‌ر به داعش له ئه‌نبار و به‌غدا و سه‌لاحه‌دین
ئەمنی
- 6-11-2021, 20:32
به‌غدا-اه‌ع
دەزگای دژە تیرۆر ،ئەمڕۆ شەممە دەستگیرکردنی شەش تیرۆریستی سەر بە چەتەکانی داعشی لە ئەنبار و بەغدا و سەلاحەدین ڕاگەیاند.
لە راگەیەندراوێکی ئاژانسەکە کە دەستی ئاژانسی هەواڵی عێراقی (اەع) کەوتووە رایگەیاند:"دەزگای دژە تیرۆر زنجیرەیەک ئەرکی سەرکەوتووی لە ناوچە جیاجیاکانی سەرانسەری وڵات ئەنجام داوە و لە ئەنجامدا شەش تیرۆریستی داعش و لەگەڵ کەسێک کە خۆی ەوک ئەفسەری دژە تیرۆر ناساندووە دەستگیربکات".
لە ڕاگەیەندراوەکەدا هاتووە:"قارەمانانی دژە تیرۆر، لە ئۆپەراسیۆنێکی جۆری کە لەیەک کات ئەنجامیان داوە، توانیویانە سێ تێرۆریست لەناو پارێزگای ئەنبار لە ڕۆژئاوای وڵات دەستگیربکەن".
وتیشی:"ئازایانی دژە تیرۆریش دوو ئۆپەراسیۆنی جیایان لە پارێزگاکانی بەغدا و سەلاحەدین ئەنجامدا و لە ئەنجامدا دوو پاشماوەی چەتەکانی کوفر و تیرۆر (داعش) دەستگیرکران".
دوا ئەرکی دەزگاکە دەستگیرکردنی دوو تیرۆرست بوو لە دیالە ،کە یەکێکیان تیرۆریستێکی سەر بە چەتەکانی داعشە و ئەوی دیکەشیان کە خۆی بە ئەفسەری دژە ترۆر ناساندووە پارەی لە هاوڵاتیان وەرگرتووە بە مەبەستی دامەزراندنیان".
