كازمی چەند فەرمانێكی دەركرد له باره‌ى پاراستنى خۆپیشاندانه‌كانى ناوچه‌ى سه‌وز
ئەمنی
- 6-11-2021, 13:12
به‌غدا-اه‌ع
سەرۆک وەزیران و فەرماندەی گشتی هێزە چەکدارەکان مستەفا كازمى ،ئه‌مڕۆ شەممە ڕێنمایی نوێی دەرکرد بۆ پاراستنی ناوچەی خۆپیشاندان لەنزیک ناوچه‌ى سه‌وز.
فه‌رمانده‌ى ئۆپراسیۆنه هاوبه‌شه‌كان له رایگه‌یه‌ندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:"دوای ڕوداوە نه‌خوازراوه‌كانى دوێنێ لەنزیک چوارگۆشەی دانیشتووی بەغدا،سەرۆک وەزیران و فەرماندەی گشتی هێزە چەکدارەکان، مستەفا كازمى ، فەرماندەیی ئۆپەراسیۆنەکانی بەغدای ڕاسپارد بۆ پێکهێنانی بارەگایەکی پێشکەوتوو بە سەرۆکایەتی ئەفسەرێکی پایەبەرز و نوێنەرانی دەزگا ئەمنییەکان، لەوانە حەشدی شەعبی، بەمەبەستی کارکردن بۆ بەرێوەبردن و دەستەبەرکردنی شوێنی دانیشتن لەنزیک پردی موعه‌له‌ق بۆ ڕێگرتن لەروبه‌رووبونه‌وه لەنێوان هێزە ئەمنییەکان و خۆپیشاندەراندا".
لە راگەیەندراوەکەدا هاتووە:"بەم پێیە ئێمە پێشنیار و رێنمایى خۆپیشاندەران دەکەین کە پابەند بن بە یاساکانی ئازادی ڕادەربڕین کە دەستووری عێراق مسۆگەری کردووە، داواش لە هێزە ئەمنییەکانی عێراق دەکەین کە بە دەستەوەگرتن و پابەندبوون بە باشترین کرداری پیشەیی بۆ پاراستنی ئازادی ڕادەربڕین و مافەکانی مرۆڤ".
ئاماژه‌ى به‌وه‌شكرد"فەرماندەیی ئۆپەراسیۆنە هاوبەشەکان لە ڕێگەی ئۆپەراسیۆنە پیشەگەرەکانەوە لە بڕینە جۆراوجۆرەکان بۆ بەرزکردنەوەی ئاسایش و سەقامگیری و بەرەنگاربوونەوەی پاشماوەی چەتەکانی تیرۆریستی داعش لە هەموو ناوچەکانی وڵات بەردەوامن".
