كازمى فەرمانی کرد بەدواداچوون بکرێت بۆ دۆخی تەندروستی یەکێک لە بریندارانی هێزە ئەمنییەکان لە ئەعزەمیە
سیاسی
- 19-10-2021, 17:42
به‌غدا-اه‌ع
سەرۆک وەزیران مستەفا کازمی، ئەمڕۆ سێشەممە فەرمانیکرد بەچاودێریکردنی بارودۆخی تەندروستی و دابینکردنی پێداویستییەکانی یەکێک لە بریندارەکانی هێزە ئەمنیەکان کرد.
نوسینگەی راگەیاندنی سەرۆک وەزیران لە راگەیەندراوێکدا کە دەستی ئاژانسی هەواڵی عێراق (اەع)کەوتووە رایگەیاند:"کازمی ئەمڕۆ لەگەڵ یەکێک لە بریندارەکانی هێزە ئەمنیەکان بەناوی (ئەیاد عەبدولمەجید حسێن) کۆبووەوە، کە لە شەڕەکانی ساڵی 2015 ی ڕزگارکردنی فەلوجە برینداربووە".
وتیشی:"ناوبراو داوای لە سەرۆک وەزیران کردبوو کاتێک لە کاتی ئاهەنگی لەدایکبوونی پێغەمبەردا بەشداری کردووە، کە دوو ڕۆژ پێش ئێستا لە شاری ئەعزەمیە بەڕێوەچوو" .
ئاماژەی بەوەکرد:"کازمی گوێی لە ئازارەکانی گرت و فەرمانی کرد کە بەدواداچوون بۆ رەوشی تەندروستی بکات و پێداویستی تەواوی خۆی و خانەوادەکەی دابین بکرێت".
