پارێزگاری هەولێر::داخستنی سەرجەم مۆڵ و بازاڕەکان لە رۆژی دەنگدانی گشتی
سیاسی
- 9-10-2021, 21:34
به‌غدا-اه‌ع
پارێزگاری هەولێر ئومێد خۆشناو ،ئەمڕۆ شەممە ڕایگەیاند، لە ڕۆژی هەڵبژاردنی گشتی هەڵبژاردنی پێشوەختەی پەرلەماندا مۆڵ و بازاڕەکان دادەخرێت، کە بریارە ڕۆژی یەکشەممە دەستپێدەکات.
خۆشناو لە کۆنگرەیەکی ڕۆژنامەوانیدا کە ئاژانسی هەواڵی عێراقی (اەع) چاودێری کردووە رایگەیاند:"بەپێی ڕێنمایی و هەماهەنگی لەگەڵ کۆمسیۆنی باڵای هەڵبژاردنەکان، مۆڵ و بازاڕەکان لە ڕۆژی دەنگدانی گشتیدا دادەخرێن" .
وتیشی:"هاتووچۆی هاوڵاتیان لە نێوان پارێزگاکان کراوە دەبێت، داخستنی بازاڕ و مۆڵەکان بڕیاری کۆمسیۆنە نەک بڕیارەکانی حکومەتی هەرێم".
ئاماژەی بەوەکرد:"لیژنەی ئەمنی پارێزگا و لیژنەی ئەمنی پارێزگاکە هەموو پلانێکیان بۆ پاراستنی هەڵبژاردنەکان داڕشتووە" و وتیشی:"ئاسایش و سەلامەتی هاوڵاتیان بۆ ئێمە گرنگە و ئێمە دەیانپارێزین".
