یۆڤانتۆس بە زەحمەت لە سامپدۆریای بردەوە
وەرزش
- 26-09-2021, 16:20
به‌دواداچون-اه‌ع
لە خولی ئیتاڵیا یۆڤانتۆس بە زەحمەت لە سامپدۆریای بردەوە و دووەم سەرکەوتنی لەم وەرزەدا تۆمارکرد.
لە درێژەی یارییەکانی هەفتەی شەشەمی خولی ئیتاڵیدا، یانەی یۆڤانتۆس لە یاریگای خۆی میواندراری یانەی سامپدۆریای کرد.
لە خولەکەکانی 10 و 43ی گێمى یەکەمدا پاولۆ دیبالا و لیۆناردۆ بۆنۆچی دوو گۆڵیان بۆ یۆڤانتۆس کرد و لە خولەکی 44یشدا یۆشیدا گۆڵێکی بۆ سامپدۆریا کرد.
لە گێمى دووەمدا و لە خولەکی 57 مانوێل لوکاتێلی گۆڵی سێیەمی یۆڤانتۆسی تۆمار کرد و لە خولەکی 83 ئەنتۆنیۆ کاندرێڤا گۆڵی دووەمی بۆ سامپدۆریا کرد و یاریەکەش بە سێ گۆڵ بەرامبەر بە دوو گۆڵ لە سوودی یۆڤانتۆس کۆتاییهات.
بەم ئەنجامە، یۆڤانتۆس خاڵەکانی گەیاندە هەشت خاڵ و بەشێوەیەکی کاتی لە هەشتەمی ڕیزبەندیدایە، سامپدۆریاش پێنج خاڵی هەیە و لە 13ی ڕیزبەندیدایە.
