وه‌زاره‌تى ته‌ندروستى واده‌ى كۆتانى ته‌مه‌نه‌كانى خوار 18 ساڵ دیارى كرد
ناوخۆ
- 25-09-2021, 14:00
به‌غدا-اه‌ع
وەزارەتی تەندروستی و ژینگە ،ئه‌مڕۆ شەممە گەیشتنی 15 ملیۆن ڤاكسینى دژە کۆرۆنای له ماوه‌ى چارەگی چوارەمی ئەمساڵی راگه‌یاند، هاوکات مەرجی بۆ کوتانی گه‌نجانى خوار تەمەن 18 ساڵ دیاریکرد و واده‌ى كۆتانى ته‌مه‌نه‌كانى كه له ئێستادا دیارى كراون راگه‌یاند.
ڕیاز عەبدولئەمیر، بەڕێوەبەری گشتی تەندروستیی گشتی بە ئاژانسی هەواڵی عێراقى (اه‌ع) ی ڕاگەیاند: "چارەکی کۆتایی ئەمساڵ، لە سێ مانگی داهاتوودا عێراق بڕێکی زۆر ڤاکسین وه‌رده‌گرێت، کە لەوانەیە زیاتر لە 15 ملیۆن دۆز بێت، بۆ داپۆشینی كۆتانى ته‌مه‌نه‌كانى خوار 18 ساڵ.
وتیشی:"رێكخراوى ته‌ندروستى جیهانى ڕێنموویی نەکردووە لەسەر کوتانی منداڵانی خوار تەمەن 18 ساڵ، چونکە زۆربەی وڵاتان هێشتا نەیانتوانیوە گروپی تەمەن سەرووی 18 ساڵ داپۆشن، جگە لەوەی ئێستا عێراق ڕێژەی 100٪ ی تەمەنی پێویست نەپۆشیوە".
ناوبراو، ئاماژەی بۆ ئەوەشکرد"کاتێک گروپی تەمەن پێویستمان داپۆشیوە لەم حاڵەتەدا، وردە وردە دەست دەکەین بە دابەزین لە 17 ساڵه‌وه بۆ 16 و پاشان 15 ساڵ وەک لیژنەکان بڕیاریان داوە" و پێشنیاری ئەوە دەکات "ڕەنگە ساڵی داهاتوو دەست بە كۆتانى ته‌مه‌نه‌كانى خوار 18 ساڵ ده‌كه‌ین".
ئێمە پێشبینی دەکەین کە رێكخراوى ته‌ندروستى جیهانى ڕێگە بە ڤاکسینەکە بدات بۆ گروپی تەمەن خوار 18 ساڵ، بەڵام کاتێک ڕووماڵێکی باش دەبینیت لە زۆربەی وڵاتان بۆ زیاتر لە 18 ساڵ".
