زەورا بووە پاڵەوانی جامی سوپەری عێراق
وەرزش
- 17-09-2021, 21:57
به‌غدا-اه‌ع
لە یاری جامی سوپەری عێراق زەورا سەرکەوتنی بەسەر قوە جەویەدا تۆمارکرد و نازناوەکەی بەدەستهێنا.
په‌یامنێرى ئاژانسى هه‌واڵى عێراقى(اه‌ع)ڕایگه‌یاند"لە یاری جامی سوپەری عێراق لە یاریگای حەبیبیە هەردوو یانەی زەورای خاوەن پلەی دووەمی ڕیزبەندی وەرزی ڕابردووی خولی عێراق و قوە جەویەی پاڵەوانی خول و جامی عێراقی وه‌رزى ڕابردوو ڕووبەڕووی یەکبونەوە".
یاریەکە ڕکابەریەکی زۆری بەخۆیەوە بینی و یاریزانەکان چەنیدن هەوڵیاندا بۆ گۆڵ تۆمارکردن بەڵام تایمی یەکەم بەبێ گۆل کۆتایهات، لە تایمی دووەم یاریزانانی زەورا باشتر دەرکەوتن و لە خولەکی 52 لەڕێگەی مازن فەیازەوە گۆڵی سەرکەوتنیان تۆمارکرد و نازناوەکەیان بەدەستهێنا.
وەرزی ڕابردوو یانه‌ی شورتە نازناوەکەی بەدەستهێنا دوای ئەوەی سەرکەوتنی بەرامبەر یانەی زەورا بەدەستهێنا.
