ئه‌عڕه‌جى له‌گه‌ڵ وه‌زیرى ناوخۆى سعودیه هاریكاریكردن له‌بوارى به‌ره‌نگاربوونه‌وه‌ى تیرۆر وكۆنترۆڵكردنى سنوور تاوتوێده‌كات
ئەمنی
- 4-09-2021, 18:30
به‌غدا-اه‌ع
قاسم ئه‌عڕه‌جى ڕاوێژكارى ئاسایشى نه‌ته‌وه‌یی،له‌گه‌ڵ میر عه‌بدولعه‌زیز بن سعود بن نایف ئال سعود وه‌زیرى ناوخۆى سعودیه،هاریكارى ئه‌منى له‌بوارى به‌ره‌نگاربوونه‌وه‌ى تیرۆر وكۆنترۆڵكردنى سنوور تاوتوێكرد.
نوسینگه‌ى ڕاگه‌یاندنى ڕاوێژكارى ئاسایشى نه‌ته‌وه‌یی له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،بڵاویكرده‌وه"ئه‌عڕه‌جى ئه‌مڕۆ شه‌ممه،له‌نوسینگه‌ى خۆى پێشوازیكرد،له‌میر عه‌بدولعه‌زیز بن سعود بن نایف ئال سعود وه‌زیرى ناوخۆ سعودیه وشاندى یاوه‌رى،به‌ئاماده‌بوونى عه‌بدولعه‌زیز شممه‌رى باڵیۆزى شانشینى عه‌ره‌بى سعودیه له‌به‌غدا".
ڕاگه‌یه‌ندراوه‌كه وتیشى"ئه‌عره‌جى له‌گه‌ڵ وه‌زیرى ناوخۆى سعودیه،پته‌وكردنى په‌یوه‌ندییه‌كانى نێوان هه‌ردوو وڵات وگه‌لى برا ،له‌سه‌ر هه‌موو ئاسته‌كان تاوتوێكرد،له‌نێویشیاندا هاریكارى ئه‌منى له‌بوارى به‌ره‌نگاربوونه‌وه‌ى تیرۆر وكۆنترۆڵكردنى سنوور،بۆ ئه‌وه‌ى ئاسایش وسه‌قامگیرى زیاتر به‌هه‌ردوو وڵات وناوچه‌كه بدات".
وتیشى"له‌دیداره‌كه ژماره‌یه‌ك دۆسییه وكه‌یسى جێى بایه‌خى هاوبه‌ش وڕێكاره‌كانى كاراكردنى هاریكارى وهه‌ماهه‌نگى به‌رده‌وام له‌نێوان به‌غدا وریاز تاوتوێكران،له‌پێناو پته‌وكردنى په‌یوه‌ندییه‌كانى برایانه‌ى نێوان هه‌ردوو وڵات وگه‌لى برا".
