كازمى:دۆسیەی دژە گەندەڵی پێشكه‌وتنى باشى به‌خۆوه بینیوه وداوایه‌كیش ئاراسته‌ى هاوڵاتیان ده‌كات له‌باره‌ى هه‌ڵبژاردنه‌وه
سیاسی
- 31-08-2021, 15:11
به‌غدا-اه‌ع
مسته‌فا كازمى سەرۆک وەزیران، ئه‌مڕۆ سێشەممە، سەرکەوتنی لوتكه‌ى هەماهەنگی و هاوبەشی بەغدای پشتڕاستکردەوە و ئاماژەیە بۆ ئەوە کرد کە دەنگدانەوەی ئەو لە ناوخۆ و هەرێمی و جیهانیدا بەرچاوە .
بەپێی ڕاگەیەندراوێکی نوسینگەی راگه‌یاندنى سه‌رۆك وه‌زیران کە ده‌ستى ئاژانسی هەواڵی عێراقى (اه‌ع) كه‌وتووه، كازمى لە وتارێکیدا رایگه‌یاند:"ئامانجمان لە سەرووی هەموو شتێکەوە ئەوەیە کە بەرژەوەندی عێراق لەبەرچاو بگرین، ئەمەش مانای ئەوە نییە کە دەبێت لەسەر حسابی برا و هاورێكانمان بێت،به‌ڵكۆ له سه‌ر حسابى به‌رژه‌وه‌ندى هاوبه‌ش ".
وتیشی:"پێویستە عێراق بە شێوازێکی شایستەی ناو و مێژووی گەورەی خۆی بگەڕێتەوە، کە نوێنەرایەتی شارستانییەکان دەکات و دڵنیامان کردەوە کە عێراق بە دوور لە هەر دەستێوەردانێک کۆنترۆڵی ئاسایش و سیاسەت و ئابووری خۆی دەکات، بە هیچ شێوەیەک ناکرێت بە دەوڵەتێکی تر ئەوەش هاتووە:"عێراق بە هیچ شێوەیەک ناتوانێت لەلایەن وڵاتێکی ترەوە بەڕێوەبرێت و نە عێراق لە دەوروبەری هەرێمایەتی و نێودەوڵەتی خۆی دابڕاوە، کە ئێمە بە پتەوکردنی پەیوەندی هاوکاری لەسەر بنەمای ڕێزگرتنی دوولایەنە بۆ سەروەری کاردەکەین".
كازمى باسى له‌وه‌شكرد:"ئەوە شتێکی نائاسایی نییە کە کێبڕکێ لەنێوان لایەنە سیاسییەکاندا بکرێت، بەڵام سەیر و شەرمەزارییە کە ئەم ڕکابەرییە کاریگەری لەسەر عێراق و خەڵکەکەی هەیە و بە هەموو نرخێک ئێمە لەسەر حسابی وڵات چەپڵە لێنادرێت" .
رونیكرده‌وه"ئێمە بە ئاڕاستەی ڕاست و بەبەردەوامی بەرەو شەڕی دژی گەندەڵی هەنگاو دەنێن و لەم دۆسیەیەدا پێشکەوتنێکی بەرچاومان هەبووە، سەرەڕای دەستێوەردانی سیاسی، هەروەها دۆسیەی خزمەتگوزاریش پشکی گرنگی لەبەرنامەی حکومەتەکەماندا،ئێمەئەو شتانەی کەپەیمانمانداوەئەنجامی دەدەین".
سەرۆکوەزیران لەبارەى هەڵبژاردنەوە داوایەکى ئاراستەى هاوڵاتییان کرد و هانیدان بەشدارى بەرفراوان بکەن لە هەڵبژاردنەکە، و بایکۆتى هەڵبژاردنى پێشوەختە نەکەن کە چەند هەفتەیەکى کەمى ماوە .
رونیشیکردەوە" بایکۆتکردنى هاوڵاتیان لە هەڵبژاردنەکانى رابردوودا بووە هۆى دروستبوونى چەند کێشەیەک و بەشداریکردنى هاوڵاتییانى لە هەڵبژاردنەکە بە گرنگ ناوبرد".
کازمى گەڕانەوەى رەوتى سەدر بۆ بەشداریکردن لە هەڵبژاردنە پێشوەختەکە بە هەنگاوێکى گەورە ناوبرد و داواشى لەسەرجەمى ئەو لایەنە سیاسیانە کرد کە بایکۆتى هەڵبژاردنەکەیان کردووە پاشگەزببنەوە و بگەڕێنەوە بۆ بەشداریکردن لە پرۆسەکە.
جەختیشى لەسەر ئەوە کردەوە کە هەموو کارئاسانییەک بۆ ئەنجامدانى هەڵبژاردنە پێشوەختەکە لەوادەى خۆیدا، کراوە.
هەواڵی پەیوەندیدار
په‌رله‌مانتاران باس له داهاتووى هاوپه‌یمانى سیاسی ده‌كه‌ن له دواى هه‌ڵبژاردن
- سیاسی / بەدواداچوون و ڕاپۆرت
- 10:33
