ئۆپراسیۆنه هاوبه‌شه‌كان:زانیارییه‌كانى هاوڵاتیان یارمه‌تیده‌ر بوون بۆ ده‌ستگیركردنى ئه‌و كه‌سانه‌ى په‌لامارى تاوه‌ره‌كانى كاره‌با ده‌ده‌ن
ئەمنی
- 21-08-2021, 10:49
به‌غدا-اه‌ع
فه‌رمانده‌یی ئۆپراسیۆنه هاوبه‌شه‌كان،ئه‌مڕۆ شه‌ممه،دووپاتیكرده‌وه،زانیارییه‌كانى هاوڵاتیان یارمه‌تیده‌ر بوون بۆ ده‌ستگیركردنى ژماره‌یه‌ك له‌و كه‌سانه‌ى په‌لامارى تاوه‌ره‌كانى كاره‌بایان داوه،ئاماژه‌یشیدا په‌ناگه‌كانى تیرۆر زانیارى ده‌ده‌نه گروپه تیرۆرستییه‌كان بۆ په‌لاماردانى تاوه‌ره‌كانى كاره‌با.
لیوا ته‌حسین خه‌فاجى وته‌بێژى ئۆپراسیۆنه هاوبه‌شه‌كان به‌ئاژانسى هه‌واڵى عێراقى(اه‌ع)ڕایگه‌یاند"هێزه ئه‌منییه‌كان به‌شێوه‌یه‌كى به‌رچاو سه‌ركه‌وتووبوون له‌سنوورداركردنى په‌لاماردانى تاوه‌ره‌كانى كاره‌با،هه‌روه‌ها ژماره‌یه‌كى زۆریش له‌و كه‌سانه‌ى هه‌وڵى په‌لاماردانى تاوه‌ره‌كانى كاره‌بایاندا ده‌ستگیركرد وده‌یان كه‌سیشیان كووشت".
وتیشى"هه‌ندێك پێشێلكارى ئه‌منى ڕووده‌دات به‌هۆى پێدانى زانیارى ورد له‌سه‌ر تاوه‌ره‌كانى كاره‌با له‌لایه‌ن په‌ناگه‌كان،له‌پاڵ به‌خشینى چه‌ك له‌هه‌مان گه‌ڕه‌كه‌كه بۆ په‌لاماردانى تاوه‌ره‌كانى كاره‌با،ڕوونیشیكرده‌وه"هێزه ئه‌منییه‌كان خاوه‌ن توانا ولێهاتووى زۆرن بۆ ئاشكراكردنى پێشێلكارییه‌كان كه‌ڕووده‌دات".
خه‌فاجى وتیشى"شه‌ڕى هێزه ئه‌منییه‌كان دژى په‌ناگه وئه‌و كه‌سانه‌ى پاره‌دارى په‌ناگه‌كانى تیرۆر ده‌كه‌ن به‌شێوه‌یه‌كى به‌رچاو سه‌ركه‌وتوو بووه له‌سنوورداركردنى پێشێلكارییه‌كان وكووشتن ژماره‌یه‌ك له‌و كه‌سانه‌ى ئه‌م كرده‌وه‌یه ئه‌نجامده‌ده‌ن وهه‌روه‌ها ژماره‌یه‌كى دیكه‌یش به‌لكێشى دادگا كراون"،ئاماژه‌یشیدا"هاریكارییه‌كى زۆر له‌لایه‌ن هاوڵاتیانه‌وه هه‌یه له‌ڕێگاى پێدانى زانیارییه‌كان كه‌یارمه‌تیده‌ر بوو بۆ ده‌ستگیركردنى ئه‌و كه‌سانه‌ى په‌لامار ده‌ده‌ن وله‌پێناو پاراستنى تاوه‌ره‌كانى كاره‌با وزۆربه‌ى زانیارییه‌كانیش له‌ڕێگاى هاوڵاتیانه‌وه گه‌یشتووه".
