كازمى پرۆژه‌ى ڕێگاى دۆره-یوسفیه‌ى به‌سه‌ركرده‌وه وجه‌ختیكرده‌وه له‌ده‌سته‌به‌ركردنى هه‌موو پێداویستییه‌كانى
سیاسی
- 11-08-2021, 15:36
به‌غدا-اه‌ع
مسته‌فا كازمى سه‌رۆك وه‌زیران،ئه‌مڕۆ چوارشه‌ممه،دووپاتیكرده‌وه پرۆژه‌ى ڕێگاى هاتوچۆى خێراى دۆره-یوسفیه سه‌ره‌تایه‌كه بۆ ڕاستكردنه‌وه‌ى زۆربه‌ى پرۆژه‌كان،ئاماژه‌یشیدا هه‌موو پێداویستییه‌كانى پرۆژه‌كه ده‌سته‌به‌ر ده‌كرێت.
نوسینگه‌ى ڕاگه‌یاندنى سه‌رۆك وه‌زیران له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ڕایگه‌یاند"مسته‌فا كازمى سه‌رۆكى ئه‌نجومه‌نى وه‌زیران،ئه‌مڕۆ،پرۆژه‌ى هاتوچۆى خێراى دۆره-یوسفیه‌ى به‌سه‌ركرده‌وه وبه‌هاریكارى كارمه‌ندانى ئه‌ندازیارى پرۆژه‌كه،وجومگه‌كانى كار وقۆناغه‌كانى جێبه‌جێكردنى به‌سه‌ركرده‌وه".
وتیشى"كازمى له‌گه‌ڵ كارمه‌ندانى ئه‌ندازیارى وه‌زاره‌تى ئاوه‌دانكردنه‌وه ونیشته‌جێكردن وشاره‌وانییه‌كان وكارمه‌ندانى كۆمپانیاى جێبه‌جێكردنى پرۆژه‌كه كۆبووه‌وه،وسوپاسى كارمه‌ندانى هونه‌رى وئه‌ندازیارى وسه‌رجه‌م كارمه‌ندانى پرۆژه‌كه كرد".
