سەرۆکی ئەنجومەنی نوێنەران چاوی بە هاوتا ئوردنیەکەی دەکەوێت
سیاسی
- 2-08-2021, 14:54
به‌غدا-اه‌ع
محەمەد حەلبوسی سەرۆکی ئەنجومەنی نوێنەران، و شاندی یاوەری ئەمرۆ دووشەممە ،لە عومانی پایتەختی ئوردن چاوی کەوت بە هاوتا ئوردنیەکەی عەبدولمنعم عەودات.
نوسینگه‌ى راگه‌یاندنى سه‌رۆكى ئه‌نجومه‌نى نوێنه‌ران له راگه‌یه‌ندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:"حه‌لبوسى و شاندی یاوەری لە تەلاری ئەنجومەنی نوێنەرانی ئوردن وتوێژەکانیان دەستپێکرد سەبارەت بە پتەوکردنی پەیوەندی دۆستانە و بەردەوامی هاریکاری هاوبەشی هەردوو وڵاتی برا لە بوارەکانی ئاسایش و سیاسی و ئابوری و پشتیوانی وەبەرهێنان و وەبەرهێنەران لە هەردوو وڵات و هاریکاری لە بواری تەندروستی بۆ تێپەڕاندنی پەتای کۆرۆنا.
هەر لە دیدارەکە جه‌ختکرایەوە لەسەر گرنگی کاری پەرلەمانی و دەرەنجامەکانی لوتکەی سێ قۆڵی و هاریکاری دۆستانە بۆ پتەوکردنی دیبلۆماسی پەرلەمانی و هەماهەنگی هاوبەش و یەکخستنی هەڵوێستەکان دەرحەق بە پرسە چارەنوسسازەکان لە ناوەندە نێودەوڵەتیەکان.
لەبەشێکی تری دیدارەکە حه‌لبه‌سى پشتیوانی ئوردن و شاعەبدوڵای دووەمی بۆ عێراق بەرز نرخاند لە بەرەنگاربوونەوەی بەربەستەکان و بەستنەوەی کاری دۆستانە و هاریکاری لەسەرجەم بوارەکان و بەوجۆرەی خزمەت بە بەرژەوەندیەکانی هەردوو گەل دەکات لە پێناو بە دیهێنانی گەشەسەندن و سەقامگیری.
لای خۆیەوە سەرۆکی ئەنجومەنی نوێنەرانی ئوردن هەڵوێستی شا عەبدوڵای دووەم و گەلی نیشاندا لە ڕابردوو ئێستادا بۆ پشتیوانی بۆ سەروەری عێراقێکی یەکگرتوو لە سەر تەواوی خاکەکەی پێرۆزبایی بە ناوی گەل و ئەنجومەنی نوێنەرانی ئوردنی دەربڕی بۆ گەلی عێراق و دەزگاەئەمنیەکان لەبەرامبەر توانایان بۆ بەرەنگاربوونەوەی تیرۆر و بە دیهێنانی سەرکەوتن و تەئکیدی کردەوە لەسەر پشتیوانی ئوردن بۆ پرۆسەی دیموکراتی لە عێراق و ئەنجامدانی هەڵبژاردنی پێشوەختەی داهاتوو.
