ته‌ندروستی نوێنه‌رایه‌تى:160 هه‌زار حاڵه‌تی توشبوونی سه‌خت له‌دوای ده‌ستپێكردنی شه‌پۆلی سێیه‌می كۆرۆنا تۆماركراوه
ناوخۆ
- 22-07-2021, 12:34
به‌غدا-اه‌ع
لیژنه‌ی ته‌ندروستی وژینگه له ئه‌نجومه‌نی نوێنه‌رانی عێراق،ئه‌مڕۆ پێنجشه‌مه، ئاشكرایكرد كه 160 هه‌زار حاڵه‌تی توشبوونی سه‌خت به كۆرۆنا له‌دوای ده‌ستپێكردنی شه‌پۆلیی سێیه‌می په‌تاكه باری ته‌ندروستییان ناجێگیره و ئاماره‌كانیش روویان له هه‌ڵكشانه.
فالح زیادی، بڕیارده‌ری لیژنه‌ی ناوبراو له‌لێدوانێك بۆ ئاژانسى هه‌واڵى عێراقى(اه‌ع) هۆشداریی دا له‌وه‌ی كه ئه‌م شه‌پۆله یاتر گه‌نجانی كردووه‌ته ئامانج و سه‌ره‌ڕای ئه‌و 160 هه‌زار حاڵه‌ته سه‌خته‌ی توشبون، 750 توشبوش له نه‌خۆشخانه‌كاندا له‌ژێر چاودێریی ورددان.
داوایشى له میدیاكان و مامۆستایانی ئایین و رێكخراوه رۆشنبیرییه‌كان و رێكخراوه‌كانی كۆمه‌ڵگه‌ی مه‌ده‌نی كردوه رۆڵیان له هۆشیاركردنه‌وه‌ی هاوڵاتیان هه‌بێت تا خۆیان له‌م ڤایرۆسه كوشنده‌یه بپارێزن
