كازمى:گه‌لى عێراق گه‌لى ژیان و هیوا و بونیاتنانه هه‌رچه‌نده نه‌یاران خه‌ونه‌كانیان له‌ناو بده‌ن
سیاسی
- 20-07-2021, 17:48
به‌غدا-اه‌ع
مسته‌فا كازمی سه‌رۆك وه‌زیران،ئه‌مڕۆ سێشه‌ممه، په‌یامێكی له‌باره‌ی جه‌ژنی قوربان بڵاوكرده‌وه و رایگه‌یاند، ئیراده‌ی ژیانی ئازاد و سه‌ربه‌رزانه هه‌موكات به‌سه‌ر تیرۆر و گه‌نده‌ڵیدا سه‌رده‌كه‌وێت و گه‌لی عێراقیش، گه‌لی ژیان و بنیاتنان و چاكسازی و هیوایه.
كازمى له تویتێكدا كه ئاژانسى هه‌واڵى عێراقى (اه‌ع) چاودێرى كردووه رایگه‌یاند:"ئیراده‌ی ژیانی ئازاد و سه‌ربه‌رزانه هه‌موكات به‌سه‌ر تیرۆر و گه‌نده‌ڵی و چه‌كی به‌ره‌ڵا و نیازی خراپدا سه‌رده‌كه‌وێت".
راشیگه‌یاند"هه‌رچه‌نده ته‌ماحكاران و نه‌یاران هه‌وڵ بده‌ن خۆشییه‌كان بدزن ناتوانن ئه‌وه بگۆڕن، گه‌لی مه‌زنی عێراق، گه‌لی ژیان و بنیاتنان و چاكسازی و هیوایه، درود بۆ شه‌هیدانی عێراق، هه‌مو ساڵێك هه‌ر له خۆشیدا بن".
