دەستەی دەستپاکی وردەکاری سزادانی تاوانبارانی دۆسیەی کارتی زیرەک ئاشکرا دەکات
ناوخۆ
- 11-07-2021, 10:48
به‌غدا-اه‌ع
دەستەی دەستپاکی ،ئەمڕۆ یەکشەممە،وردەکاری سزادانی تاوانبارانی دۆسیەی کارتی زیرەکی ئاشکرا کرد.
لە راگەیەندراوێکی دەستەکە کە دەستی ئاژانسی هەواڵی عێراقی(اەع) کەوتووە رایگەیاند"بڕیاری دادگا لە دژی بەڕێوەبەری گشتیی پێشووی بانكی رافیدەین و بەڕێوەبەری كۆمپانیای كارتی زیرەك دەرچووە، كە پارەیەكی زۆریان بردووه".
دەستەكە روونیشی كردووه‌تەوە، هەردوو بەڕێوەبەر حوكمی بەندكردنیان بۆ ماوەی سێ ساڵ بۆ دەركراوە.
ئەوەش لە راگەیاندراوەكەدا هاتووە "ئەو تاوانبارانە دەستیان گرتبوو بەسەر قازانجەكانی بانكی رافیدەیندا، كە بەهۆی بەشداریكردن لە كۆمپانیای كارتی زیرەك دەستیان كەوتبوو و بڕەكەی 13 ملیار و 173 ملیۆن دینار بوو".
وێڕای ئەو گەندەڵییە، ده‌ستەی دەستپاكیی عێراق دووپاتی كردووه‌تەوە، كە ئەو بەرپرسانەی سزاكەیان بۆ دەرچووە "چەندین سەرپێچیی یاساییان كردووە لە بابەتی مووچەی فەرمانبەران و گرێبەستكرن لەگەڵ كۆمپانیاكانی پێدانی پارەی ئەلیكترۆنی".
