كه‌عبی بۆ چاره‌سه‌ری كێشه‌ی كاره‌با داوای بانگهێشتكردنی چوار وه‌زیر ده‌كات بۆ دانیشتنى په‌رله‌مان
سیاسی
- 1-07-2021, 19:30
به‌غدا-اه‌ع
حه‌سه‌ن كه‌عبى جێگری یه‌كه‌می سه‌رۆكی ئه‌نجومه‌نی نوێنه‌ران ،ئه‌مڕۆ پێنجشه‌ممه، له‌میانه‌ی كۆبونه‌وه‌ی په‌رله‌ماندا داوایكرد، چوار وه‌زیری حكومه‌ت به‌مه‌به‌ستی چاره‌سه‌ركردن و تاوتوێكردنی كێشه‌كانی كاره‌با بانگهێشتبكرێن.
فه‌رمانگه‌ى راگه‌یاندنى ئه‌نجومه‌نى نوێنه‌ران له راگه‌یه‌ندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" حه‌سه‌ن كه‌عبی جێگری یه‌كه‌می سه‌رۆكی په‌رله‌مان له‌میانه‌ی كۆبونه‌وه‌ی ئه‌مڕۆی په‌رله‌ماندا داوایكردوه، هه‌ریه‌ك له‌وه‌زیرانی كاره‌با، نه‌وت، دارایی و پلاندانان بانگهێشت بكرێن، به‌مه‌به‌ستی تاوتوێكردن و چاره‌سه‌ر و خستنه‌ڕوی كێشه‌كانی كاره‌با له‌ته‌واوی ناوچه‌كان".
ئه‌وه‌شیخسته‌روو" به‌دواداچون بكرێت بۆ 43 دۆسیه‌ی گه‌نده‌ڵی تایبه‌ت به گرێبه‌سته‌كانی وه‌زاره‌تی كاره‌با".
