عه‌بادى:وه‌زیرى كاره‌با ده‌ستله‌كاركێشانه‌وه‌ی خۆی پێشكه‌شى نوسینگه‌ى سه‌رۆك وه‌زیران كردووه
سیاسی
- 29-06-2021, 22:22
به‌غدا-اه‌ع
ئه‌حمه‌د عه‌بادى وته‌بێژى وه‌زاره‌تى كاره‌با ،ئه‌مڕۆ سێشه‌ممه،رایگه‌یاند ماجد حەنتوش، وەزیری کارەبا دەستلەکارکێشانەوەى ئاڕاستەی مستەفا کازمی، سەرۆک وەزیران کرد.
ئەحمەد عەبادى، وتەبێژى وەزارەتى کارەبا بە ئاژانسى هەواڵى عێراقى (اه‌ع) رایگه‌یاند:" ماجد حەنتوش دەستلەکارکێشانەوەى پێشکەشى نوسینگەى سەرۆکى ئەنجومەنى وەزیران کردووە"،ئاماژه‌ى به‌وه‌شكرد"تاوه‌كو ئێستاش هیچ وه‌ڵامێك نه‌دراوه‌ته‌وه".
دەستلەکارکێشانەوەى ناوبراو لەکاتێکدایە، بارودۆخى کارەبا لەم وەرزەدا کە هاوینە و پلەکانى گەرما زۆر بەرزبوونەوەتەوە خراپە، ئەوەش سەرەڕاى هێرشەکانى چەکدارانى داعش بۆ سەر تاوەرەکانى کارەبا کە چەندین شاریان بێکارەبا کردووە.
