ئه‌نجومه‌نى ئاسایشى نیشتمانى سه‌ركۆنه‌ى هێرشه‌كه‌ى ئه‌مریكا ده‌كات بۆ سه‌ر سنوور له‌گه‌ڵ سوریا
ئەمنی
- 28-06-2021, 16:05
به‌غدا-اه‌ع
ئەنجوومەنی وەزارەی بۆ ئاسایشی نیشتمانی،ئەمڕۆ دووشەممە، بە سەرپەرشتی مستەفا كازمی فەرماندەی گشتیی هێزە چەكدارەكان كۆبووە و تاوتوێی بۆردومانەكانی ئەمریكا بۆسەر سنووری نێوان عێراق و سوریا كرا.
لە ڕاگەیەندراوێكدا نوسینگەی ڕاگەیاندنی مستەفا كازمی كه ده‌ستى ئاژانسى هه‌واڵى عێراقى(اه‌ع) رایگه‌یاند:"ئەو هێرشەی ئەمریكا بۆسەر سنووری عێراق دەستدرێژییەكی ئاشكرایە بۆسەر سەروەری خاكی عێراق و پێچەوانەی یاسا نێودەوڵەتییەكانە.
ئاماژەبەوەكرد"ئەنجومەنی وەزاری بۆ ئاسایشی نیشتمانیی لێكۆڵینەوە لەبارەی ڕووداوەكە دەكات و ڕێكارە یاساییەكان دەگرێتەبەر بۆ دووبارەنەبوونەوەی ئەو دەستدرێژییانە بۆسەر خاكی عێراق لە داهاتوودا".
ئەنجومەنەكە ڕەتیشیدەكاتەوە عێراق بەكاربهێنرێت بۆ یەكلایكردنەوەی ململانێكان، یان خاكەكەی بۆ دەستدرێژیكردنە سەر وڵاتێكی دیكە بەكاربهێنرێت.
راشیگه‌یاند"حكومەت دیدار و گفتوگۆی لەگەڵ ئەمریكا هەبووە لەبارەی كشانەوەی هێزە شەڕكەرەكانی لەعێراقدا و بۆئەومەبەستەش پێشكەوتنی باش هەن، كە بەمنزیكانە وردەكارییەكەی ڕادەگەیەنین".
