مسته‌فا كازمی جه‌ختیكرده‌وه عێراق به‌رده‌وامه له چاكسازى ئابورى
سیاسی
- 1-06-2021, 14:38
به‌غدا-اه‌ع
مسته‌فا كازمی سه‌رۆك وه‌زیران رایگه‌یاند، سه‌ره‌ڕای ئاسته‌نگه‌كان به‌رده‌وام ده‌بن له‌سه‌ر جێبه‌جێكردنی به‌رنامه‌ی چاكسازی و زیاتر پێشخستن و بنیادنانه‌وه‌ی وڵات.
نوسینگه‌ی راگه‌یاندنی سه‌رۆك وه‌زیران،له راگه‌یاندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" مسته‌فا كازمی پێشوازی له فه‌رید بلحاج جێگری سه‌رۆكی بانكی جیهانی بۆ ڕۆژهه‌ڵاتی ناوه‌ڕاست و باكوری ئه‌فریقا و شاندێكی یاوه‌ری كرد و له‌دیدارێكدا گفتوگۆ له‌باره‌ی چه‌ند ڕێگایه‌ك كرا بۆ پته‌وكردنی هه‌ماهه‌نگی نێوان عێراق و بانكی جیهانی له به‌رنامه و ناوچه جیاجیاكان، هه‌روه‌ها گفتوگۆ له باره‌ی میكانیزمه‌كانی دژه گه‌نده‌ڵی و بنیاتنانه‌وه‌ی پێكهاته‌ی خزمه‌تگوزاری گشتی بۆ زیادكردنی كارایی و چه‌سپاندنی گه‌شه‌پێدانی به‌رده‌وام و وه‌به‌رهێنانی گونجاوی سامانی مرۆیی كرا.
سه‌رۆك وه‌زیران جه‌ختی له سه‌ر به‌رنامه‌ی عێراق بۆ ئه‌نجامدانی چاكسازی كرده‌وه و ئاماژه‌ی به‌وه‌شكرد، كۆمه‌ڵێك ئاسته‌نگ له‌به‌رده‌م ڕێڕه‌وی چاكسازی ئابوریدان، به‌ڵام به‌رده‌وامن له‌جێبه‌جێكردنی بنه‌ما گرنگه‌كانی بنیادنانه‌وه‌ی وڵات".
كازمی ئاماژه‌ی به‌وه‌شكرد"به‌ر له هه‌مو شتێك حكومه‌ت له خه‌می پاراستنی به‌رژه‌وه‌ندیی وڵات و گه‌لی عێراقدایه، جگه له سود وه‌رگرتن له‌و ئامۆژگاریانه‌ی كه له‌لایه‌ن دامه‌زراوه داراییه‌كانی وه‌ك بانكی جیهانییه‌وه پێشكه‌ش كراون".
له‌لای خۆشیه‌وه فه‌رید بلحاج ستایشی په‌یوه‌ندییه مێژویی و ستراتیژییه‌كانی بانكی نێوده‌وڵه‌تی كرد له‌گه‌ڵ عێراق رایگه‌یاند، وه‌ره‌قه‌ی چاكسازیان پیشكه‌ش به حكومه‌ت كردوه كه بریتییه له تێڕوانینێكی پێكه‌وه‌یی بۆ گه‌شه‌پێدانی ئابورییه‌كی به‌هێز و سه‌ركه‌وتو، به‌ئامانجی به‌رزكردنه‌وه‌ی ئاستی حوكمڕانی له‌وڵاتدا.
