كازمى جه‌ختیكرده‌وه ده‌مانه‌وێت هه‌ماهه‌نگیمان له‌گه‌ڵ ئه‌ڵمانیا زیاتر بكه‌ین
سیاسی
- 29-05-2021, 16:15
به‌غدا-اه‌ع
مسته‌فا كازمی سه‌رۆك وه‌زیران، ئه‌مڕۆ شه‌ممه رایگه‌یاند، ده‌یانه‌وێت هه‌ماهه‌نگی و هاوكاریه‌كانیان له‌گه‌ڵ ئه‌ڵمانیا و یه‌كێتی ئه‌وروپا زیاتر بكه‌ن، به‌جۆرێك به‌رژه‌وه‌ندی هه‌ردولا پارێزراو بێت.
نوسینگه‌ی راگه‌یاندنی سه‌رۆك وه‌زیران له راگه‌یاندراوێكدا ،كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند:" مسته‌فا كازمی له میانه‌ی دیدارێكدا ئۆل دێل باڵیۆزی ئه‌ڵمانیا له عێراق كرد، كه به‌بۆنه‌ی كۆتاییهاتنی ئه‌ركه‌كانییه‌وه سه‌ردانی كردبو، رایگه‌یاند، عێراق ده‌یه‌وێت هاوكاری و هه‌ماهه‌نگی بنیاتنه‌ری زیاتری هه‌بێت له‌گه‌ڵ ئه‌ڵمانیای فیدڕاڵ و ته‌واوی وڵاتانی یه‌كێتی ئه‌وروپا به‌جۆرێك له به‌رژه‌وه‌ندی گه‌لی هه‌ردو وڵات بێت".
كازمی پشتیوانی له به‌رده‌وامی په‌یوه‌ندییه دوقۆڵییه باشه‌كانی نێوان به‌غدا و به‌رلین له بواره جۆراوجۆره‌كانی ئابوری و سیاسی و ڕۆشنبیری و به تایبه‌تی كاری كۆمپانیا و وه‌به‌رهێنانی ئه‌ڵمانی له عێراق كرد و ئاماژه‌ی به‌وه‌شكرد، هه‌وڵه‌كانی حكومه‌ت به‌رده‌وام ده‌بێت بۆ پێشخستنی ژینگه‌ی وه‌به‌رهێنان و بره‌ودان به سه‌قامگیری كه به‌ره‌و پێشچون و باشتركردنی باری ژیانی هاوڵاتیان بێت له‌خۆده‌گرێت.
لای خۆییه‌وه ئۆل دێل، خواستی حكومه‌تی ئه‌ڵمانیای بۆ په‌ره‌پێدانی په‌یوه‌ندییه‌كان له‌گه‌ڵ عێراق له‌چوارچێوه‌ی به‌رژه‌وه‌ندیی هاوبه‌ش دوپاتكرده‌وه و باسی له‌وه‌كرد، به‌هه‌مو شێوه‌یه‌ك پشتیوانی له عێراق ده‌كه‌ن به‌تایبه‌ت له‌ڕوی به‌ره‌نگاربونه‌وه‌ی ئاڵنگاریه‌كانی ئێستا، گرنگترینیشیان چاكسازی ئابوری و شه‌ڕِی تیرۆره.
