رامۆس له لیستی یاریزانانی ئیسپانیا بۆ جامی یۆرۆ نیه
وەرزش
- 24-05-2021, 14:00
چاودێرى-اه‌ع
لیستی یاریزانانی ئیسپانیا بۆ جامی یۆرۆ بڵاوکرایەوە و سێرجیۆ ڕامۆس بانگهێشتنەکرایەوە.
لویس ئینریکی ڕاهێنەری ئیسپانیا پێکهاتەی هەڵبژاردەکەی بۆ جامی یۆرۆی 2020 بڵاوکردەوە کە لە 24 یاریزان پێکهاتووە و هیچ یاریزانێکی ڕیاڵ مەدریدی بانگهێشتی جامەکە نەکردووە.
لە لیستەکەی ئیسپانیا هەریەک لە سێرجیۆ ڕامۆس و کارڤاخاڵ دوورخراونەتەوە و بۆ یەکەکەمجاریش لاپۆرتی بەرگریکاری مانچستەر سیتی بانگهێشتکراوتەوە دوای ئەوەی بڕیاریدا یاری بۆ هەڵبژرادەی ئیسپانیا بکات لە بردی فەرەنسا.
لە گرنگترین یاریزانانی ئیسپانیا بۆ جامی یۆرۆ هەریەک لە دی خیا و ئەلبا و ئەزپلیکوێتا و پیدری و کۆکی دەبینرێن، لە هێڵی پێشەوەش بانگهێشتی مۆراتا و ئاداما تراورێ و جیرارد مۆرینیۆ کراون.
ئیسپانیا لە جامی یۆرۆ لە کۆمەڵەی پێنجەمدایە لەگەڵ هەڵبژاردەکانی سوید و پۆڵەندا و سلۆڤاکیا، یەکەم یاری لە جامەکەشدا لە لە 14 ی مانگی شەشی داهاتوو بەرامبەر هەڵبژاردەی سوید ئەنجامدەدات.
