نوسینگه‌ى هه‌ڵبژاردنى هه‌ولێر رێژه‌ى دابه‌شكردنى كارتى بایۆمه‌ترى راگه‌یاند
سیاسی
- 24-05-2021, 15:38
به‌غدا-اه‌ع
نوسینگه‌ى هه‌ڵبژاردنى هه‌ولێر،ئه‌مڕۆ دووشه‌ممه،رایگه‌یاند رێژه‌ى تۆماركردنى بایۆمه‌ترى گه‌یشتوه‌ته 65% و رێژه‌ى دابه‌شكردنى كارته‌كانیش90%ه.
بۆتان جاف به‌رێوه‌به‌رى نوسینگه‌ى هه‌ڵبژاردنى هه‌ولێر بۆ ئاژانسى هه‌واڵى عێراقى(اه‌ع) رایگه‌یاند:"رێژه‌ى تۆماركردنى بایۆمه‌ترى گه‌یشتوه‌ته 65% و رێژه‌ى دابه‌شكردنى كارته‌كانیش90%ه،ناوه‌راستى مانگى نیسانى رابردوو دوا واده بوو بۆ نوێكردنه‌وه‌ى زانیاره‌كان ".
ئاماژه‌ى به‌وه‌كرد"ژماره‌ى ده‌نگده‌رانى پارێزگاكه 1228030 ه‌ده‌نگده‌ره ،800 هه‌زار ده‌نگده‌ر كارتى بایۆمه‌تریان نوێكردوه‌ته‌وه و زۆربه‌یان دابه‌شكراون ،نزیكه‌ى 80 هه‌زار كارت له سه‌نته‌رى تۆمارى ده‌نگدان ماوه‌ته‌وه".
بۆتان جاف وتیشى"ژماره‌ى پاڵێوراوان گه‌یشته 53 كاندید و به‌سه‌ر چوار بازنه دابه‌شكران:یه‌كه‌م 17 كاندید ،دووه‌م 8 كاندید و سێیه‌م 10 كاندید و چواره‌میش 17 كاندیده".
