ئه‌مڕۆ شێره‌كانى رافیده‌ین روبه‌ربه‌رووى تاجیكستان ده‌بێته‌وه
وەرزش
- 24-05-2021, 09:54
به‌غدا-اه‌ع
ئه‌مڕۆ له یارییه‌كی دۆستانه و ئاماده‌كاریدا، هه‌ڵبژارده‌ی تۆپی پێ رووبه‌ڕووی هه‌ڵبژارده‌ی تاجیكستان ده‌بێته‌وه.
یارییه‌كه له یاریگه‌ی فه‌یحا له شاری به‌سڕه به‌ڕێوه ده‌چێت و سه‌عات 19:30 ده‌ست پێ ده‌كات.
هه‌ردوو هه‌ڵبژارده خۆیان بۆ یارییه‌كانی پاڵاوتنی مۆندیالی 2022 و جامی ئاسیای 2023 ئاماده ده‌كه‌ن.
هه‌ڵبژارده‌ی تاجیكستان یه‌كه‌مجاره سه‌ردانی عێراق ده‌كات و له رۆژی شه‌ممه‌ى رابردووه‌وه گه‌یشتوونه‌ته به‌سڕه.
یارییه‌كه له لایه‌ن تیمێك له ناوبژیوانانی به‌حرێنی به‌ڕێوه ده‌برێت.
شێره‌كانى رافیده‌ین رۆژی 29ی ئه‌م مانگه‌ش یارییه‌كی تری دۆستانه و ئاماده‌كاری هه‌ر له به‌سڕه، به‌رامبه‌ر هه‌ڵبژارده‌ی نیپاڵ ئه‌نجام ده‌دات.
