تاوانبارێكى بازرگانیكردن به‌دراوى ساخته به16 ملیۆن دۆلاره‌وه له‌كه‌ركوك ده‌ستگیركرا
ئەمنی
- 17-05-2021, 14:38
به‌غدا-اه‌ع
ئاژانسى هه‌واڵگیرى،ئه‌مڕۆ دووشه‌ممه،ده‌ستگیركردنى تاوانبارێكى بازرگانیكردن به‌دراوى ساخته به16 ملیۆن دۆلاره‌وه له‌كه‌ركوك ڕاگه‌یاند.
ئاژانسى ناوبراو له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ڕایگه‌یاند"له‌میان چاودێرى به‌رده‌وام بۆ كه‌رته‌كانى به‌رپرسیارێتى،تیمه‌كانى ئاژانسى هه‌واڵگیرى ولێكۆڵینه‌وه‌ى فیدڕاڵى سه‌ر به‌وه‌زاره‌تى ناوخۆ،توانیان تاوانبارێكى بازرگانیكردن به‌دراوى بیانى ساخته له‌پارێزگاى كه‌ركوك ده‌ستگیربكه‌ن".
وتیشى"پرۆسه‌ى ده‌ستگیركردنه‌كه له‌دواى دانانى بۆسه‌یه‌كى تۆكمه ئه‌نجامدراوه له‌كاتى ئه‌نجامدانى تاوانه‌كه به16 ملیۆن دۆلارى ئه‌مریكى جۆرى(100)دۆلارى ساخته"،ئاماژه‌یشیدا"له‌میان لێكۆڵینه‌وه‌كان دانى به‌وه‌دانا ساخته‌ى دراو ده‌كات له‌میان به‌چاپكردنیان له‌ماڵه‌كه‌ى خۆیدا".
ئاژانسه‌كه وتیشى"دواى به‌ڕێكه‌وتن به‌ره‌و ماڵه‌كه‌ى،چاپه‌مه‌نییه‌ك وكه‌لوپه‌لى ساخته به‌كارهێنراو ده‌ستبه‌سه‌ركران ،هه‌روه‌ها هه‌ستاوه به‌سێ پرۆسه‌ى فێڵكردن له‌هاوڵاتیان به‌ورووژاندن وفرۆشتنى ئه‌و دراوه به‌هاوڵاتیان "،ئه‌وه‌یشى خرایه‌ڕوو"وته‌كانى وه‌رگیراوه له‌به‌رده‌م دادوه‌رى لێكۆڵینه‌وه وڕێوشوێنى یاسایی به‌رامبه‌رى گیراوه‌ته‌به‌ر".
