لیژنه‌ی باڵا ژماره‌یه‌ك بڕیاری نوێى ده‌ركرد له‌نێویشیاندا هه‌ڵوه‌شاندنه‌وه‌ى قه‌ده‌غه‌ى هاتوچۆى گشتى ومانه‌وه له‌سه‌ر قه‌ده‌غه‌ى ڕێژه‌یی
ناوخۆ
- 13-05-2021, 19:35
به‌غدا-اه‌ع
لیژنه‌ی باڵای ته‌ندروستی و سه‌لامه‌تی نیشتمانی،ئه‌مڕۆ پێنجشه‌ممه، ژماره‌یه‌ك بڕیاری نوێى ده‌ركرد له‌نێویشیاندا هه‌ڵوه‌شاندنه‌وه‌ى قه‌ده‌غه‌ى هاتوچۆى گشتى ومانه‌وه له‌سه‌ر قه‌ده‌غه‌ى ڕێژه‌یی.
له‌بڕیاره‌كانى لیژنه‌كه له‌دواى كۆبوونه‌وه‌كه‌ى ئه‌مڕۆى هاتووه، بڕیاردراوه به هه‌ڵوه‌شاندنه‌وه‌ی بڕیاری قه‌ده‌غه‌ی هاتوچۆی ته‌واوه‌تی، هه‌روه‌ها جێبه‌جێكردنی قه‌ده‌غه‌ی هاتوچۆی رێژه‌یی له كاتژمێر 9:00ی شه‌و تاوه‌كو 5:00ی به‌یانی به‌درێژایی رۆژانى هه‌فته".
بەگوێرەی بڕیارەكەی لیژنه‌ی باڵای ته‌ندروستی نیشتمانیی عێراق ، داخستنی مۆڵ، چێشتخانه، كافتریا، هۆڵه‌كانی پرسه و سینەما، لە ڕۆژانی جەژن بەردەوام دەبن، و دوای جەژن لە 17ی مانگ دەكرێنەوە، لە نێوان کاتژمێر 5 بەیانی بۆ 8:30 خولەکی شەو.
هەروەها قەدەغەی هاتوچۆی تەواوەتی كەمكرایەوە بۆ كاتژمێر 9ی شەو تا 5ی بەیانی.
لە خاڵێكی دیكەی بڕیارە نوێیەكەی لیژنەی باڵای تەندروستی و سەلامەتی نیشتمانی عێراقدا هاتووە، دەوامی فەرمی لە فەرمانگەکانی دەوڵەت لە ڕۆژی 17ی/5 تا 20/5 ڕادەگیرێت، جگە لە دامەزراوە خزمەتگوزارییەکان.
بایدن ڕێککەوتنی ئاگربەست لە لوبنان ڕادەگەیەنێت
- جیهانی
- 12:11
