وەزارەتی کار موچه‌ى ئەو کەسانە خەرج دەکات کە خزمەتی خاوەن پێداویستی تایبەت دەکەن
ناوخۆ
- 3-05-2021, 16:56
به‌غدا-اه‌ع
وەزارەتی کار و کاروباری کۆمەڵایەتیی ڕایگەیاند، ئەمڕۆ و سبەینێ موچەی مانگی نیسان و چوار مانگى پێشووی ئەو کەسانە دابەش دەکرێت کە لەماڵەوە خزمەتی ئەو کەسانەیان دەکەن کە خاوەن پێداویستی تایبەتن.
عەبدول لەتیف تەمیمی، سەرۆکی دەستەی خاوەن پێدوایستییە تایبەتەکان لە وەزارەتەکە لە ڕاگەیەندراوێکدا کە ده‌ستى ئاژانسى هه‌واڵى عێراقى(اه‌ع) کەوتووە ڕایگەیاند، "ئەمڕۆ و سبەی موچەی مانگی نیسانی ئەو کەسانە خەرج دەکرێت کە خزمەتی خاوەن پێداویستی تایبەت دەکەن، هەروەها موچەی چوار مانگی یەکەمی ئەمساڵیشیان پێدەدرێت".
وتیشی، "ئەوانەی موچەکانیان جێگیرکراوە یان ماستەر کاردیان هەیە دەتوانن ئێوارەی ئەمرۆ موچەکانیان وەربگرن".
تەمیمی ئەوەشی ڕوونکردووەتەوە، "هەموو ڕێوشوێنێک تەواوکراوە کە پەیوەندی بە دەرچوونی تەواوی موچەی وەرگرانەوە هەیە کە 680 هەزار دینارە بۆ هەر سودمەندێک".
سەرۆکی دەستەی خاوەن پێداویستە تایبەتەکان ئاماژەی بەوەشکردووە، "ناوی ئەو کەسانەش کە پێشترمامەڵەیان پێشکەش کردبووە بۆ ئەوەی بەو هۆیەوە موچەیان بۆ خەرج بکرێت، چووەتە سیستمەوە و لەم مانگەدا یەکەم موچەیان وەردەگرن".
794ئەفسەر و سەربازی زایۆنی كوژران
- جیهانی
- 06:00
كەش و هەوا: باران بارین و دابەزینی پلەكانی گەرما
- ناوخۆ
- 01:20