وه‌زیرى ده‌ره‌وه بانگھێشتنامەیەکی ئاراستەی سەرۆك وەزیرانی ئیتاڵیا کردووە بۆ ئەوەی لە داھاتوودا سەردانی عێراق بکات
سیاسی
- 3-05-2021, 00:34
به‌غدا-اه‌ع
فوئاد حوسێن وەزیری دەرەوە،بانگھێشتنامەیەکی ئاراستەی سەرۆك وەزیرانی ئیتاڵیا کردووە بۆ ئەوەی لە داھاتوودا سەردانی عێراق بکات
وەزارەتی دەرەوە لە راگەیەنراوێکدا كه‌ده‌ستى ئاژانسى هه‌واڵى عێراقى(اه‌ع)كه‌وتووه، ئاماژەی بەوەداوە کە فوئاد حوسێن لە چوارچێوەی سەردانەکەی بۆ رۆما لەگەڵ لویجی دی مایۆ کۆبووەتەوە.
بەپێی راگەیەنراوەکە لە کۆبوونەوەکەدا، چۆنیەتی پتەوترکردنی پەیوەندییەکانی نێوان ھەردوو وڵات تاوتوێکراوە، ھەروەھا سەبارەت بە کاراکردنی لیژنەی ھاوبەشی نێوان عێراق و ئیتاڵیا بە ئامانجی بەدیھێنانی بەرژەوەندییەکانی ھەردوو وڵات گفتوگۆکراوە.
ئاماژەی بەوەیشداوە کە فوئاد حوسێن سوپاسی پاڵپشتی ئیتاڵیای بۆ عێراق کردووە بە تایبەتیش لە بەرەنگاربوونەوەی داعش و راشیگەیاندووە کە خواستیان ھەیە کۆمپانیاکانی ئێتاڵیا بۆ کاری وەبەرھێنان لە بوارەکانی وزە و نەوت روو لە عێراق بکەن.
باس لەوەشکراوە کە فوئاد حوسێن وەزیری دەرەوە، بانگھێشتنامەیەکی ئاراستەی سەرۆکوەزیرانی ئیتاڵیا، لویجی دی مایۆ کردووە بۆ ئەوەی لە داھاتوودا، سەردانی عێراق بکات.
لە راگەیەنراوەکەدا ئەوەیش خراوەتەڕوو کە سەرۆکوەزیرانی ئێتاڵیا، لویجی دی مایۆ لە میانی کۆبوونەوەکەدا، بۆ رووداوی ئاگرکەوتنەوەکەی نەخۆشخانەی ئیبن خەتیب لە بەغدا کە بەھۆیەوە ١١٠ کەس گیانیان لەدەستدا، سەرەخۆشی خۆی ئاراستەی حکوومەتی عێراق کردووە و راشیگەیاندووە کە دەیانەوێت پەیوەندییەکانی ئێیتاڵیا لەگەڵ عێراق پتەوتر بکەن.
بەپێی راگەیەنراوەکە، لویجی دی مایۆ لە میانی کۆبوونەوەکە رایگەیاندووە کە لە داھاتوودا، سەردانی عێراق دەکات.
