سوپاى چاد كوژرانى سه‌رۆك كۆماری وڵاته‌كه‌ى ڕاگه‌یاند
جیهانی
- 20-04-2021, 14:01
چاودێرى-اه‌ع
سوپاى چاد،ئه‌مڕۆ سێشه‌ممه،كوژرانى سه‌رۆك كۆماری وڵاته‌كه‌ى ڕاگه‌یاند.
ئیدریس دێبی سه‌رۆك كۆماری وڵاتی چاد، له‌كاتی روبه‌ڕوبونه‌وه‌یه‌كدا له‌گه‌ڵ ژماره‌یه‌ك چه‌كدار كوژرا.
ئاژانسى هه‌واڵ فه‌رمى بڵاویكرده‌وه، ئه‌مڕۆ سێشه‌ممه له‌روبه‌ڕوبونه‌وه‌یه‌كدا له‌گه‌ڵ ژماره‌یه‌ك له‌چه‌كداریه یاخویبوه‌كانی وڵاته‌كه‌ی یدریس دێبی سه‌رۆك كۆماری وڵاتی چاد برینداربوه، پاش گه‌یاندنیشی به نه‌خۆشخانه به‌هۆی سه‌ختی برینه‌كه‌یه‌وه مردوه.
ڕۆژی 11ی نیسانى 2021 به‌ره‌ی "خولانه‌وه‌ی چاد و هه‌ماهه‌نگی له چاد" له‌دوای دوباره هه‌ڵبژاردنه‌وه‌ی ئیسماعیل دێبی كه 30 ساڵه سه‌رۆك كۆماری وڵاته‌كه‌یانه، هێرشیانكرده سه‌ر به‌ره‌ی پشتیوانانی ناوبراو و سوپای وڵاتیش، ئه‌و كه‌سانه‌ی به یاخیبون هه‌ژماركرد.
جێى ئاماژه پێكردنه"دیبى له ساڵی 1990ه‌وه پۆستی سه‌رۆكایه‌تی كۆماری وڵاتی چادی وه‌رگرتوه".
