كازمى:یادکردنەوەى مەرگەساتى ئه‌نفال هاندەرێکە بۆ کاركردن له‌سه‌ر ڕێگریکردن لە گەڕانەوەى دیکتاتۆرییەت
سیاسی
- 14-04-2021, 12:45
به‌غدا-اه‌ع
مستەفا کازمی سەرۆك وەزیران،ئه‌مڕۆچوارشه‌ممه،دووپاتیكرده‌وه یادکردنەوەى مەرگەساتى ئه‌نفال هاندەرێکە بۆ هەموو حکومەتەکان کە کار بکەن بۆ ڕێگریکردن لە گەڕانەوەى دیکتاتۆرییەت،ئاماژه‌یشی به‌وه‌داڕێگەی دیموکراتی و ڕیفۆرمخواز و پێکەوەژیانی ئاشتیانە، ڕێگایەکە بۆ عێراقێکی گەش.
كازمى له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ڕایگه‌یاند"ئەمڕۆ یادی 33 ساڵەی دەستپێکردنی هەڵمەتەکانی تاوانی ئەنفال کە ڕژێمی پێشوو دژ بە گەلی کوردمان ئەنجامی دا تێپەڕدەبێت کە دەیان هەزار قوربانی لێکەوتەوە، ژمارەیەکی زۆریان لە زیندانە تاریکەکانیان بەجێ هێشت، سەدان گوندی کوردییان وێران کرد و خەڵکەکەیان ئاوارە کرد،له‌مه‌رگه‌ساتێك دژى مرۆڤایه‌تى".
دەشڵێت، "لەکاتێکدا ئێش و ئازارەوە ئەم بۆنە پڕ ئازارە زیندوو دەکەینەوە، سەری ڕێز و نەوازش بۆ شەهیدان و قوربانیانی ئەم تاوانە دادەنەوێنین،ڕوونیشیكرده‌وه"یادکردنەوەى ساڵانەی ئەم مەرگەساتە هاندەرێکە بۆ هەموو حکومەتەکان کە کار بکەن بۆ ڕێگریکردن لە گەڕانەوەى دیکتاتۆرییەت، هەموو ئەوەش ڕەت بکەنەوە کە سیاسەتی جیاکاری و پەراوێزخستن زیندوو بکاتەوە".
ڕایشیگه‌یاند"ڕسواکردنی ئەو تاوانە دڕندانەیەی کە بەرامبەر ڕۆڵەکانی گەلی عێراق ئەنجام دراون،جه‌ختكردنه‌وه‌یه له‌سه‌ر ئه‌وه‌ى ڕێگەی دیموکراتی و ڕیفۆرمخواز و پێکەوەژیانی ئاشتیانە، ڕێگایەکە بۆ عێراقێکی گەش کە ئاشتی و خۆشەویستی و لێبوردەیی زاڵ بێت و یەکپارچەیی وڵات و کەرامەتی ژیان و دادپەروەری ببێتە بەردی بناغەی، عێراقێکی سەقامگیر و بەهێز بۆ گەل و خاکەکەی."
