هاوپه‌یمانان پشتیوانى هێزى ئاسمانى عێراقى ده‌كه‌ن به‌پارچه‌ى یه‌ده‌گى تایبه‌ت به‌فڕۆكه جه‌نگییه‌كان
ئەمنی
- 30-03-2021, 23:44
به‌غدا-اه‌ع
فه‌رمانده‌ى ئۆپراسیۆنه هاوبه‌شه‌كان،ڕایگه‌یاند هاوپه‌یمانى نێوده‌وڵه‌تى به‌پارچه‌ى یه‌ده‌گى تایبه‌ت به‌فڕۆكه جه‌نگییه‌كان پشتیوانى هێزى ئاسمانى عێراقى كردووه.
لیوا ته‌حسین خه‌فاجى وته‌بێژى فه‌رمانده‌یی ئۆپراسیۆنه هاوبه‌شه‌كان له‌ڕاگه‌یه‌ندراوێكدا كه‌ده‌ستى ئاژانسى هه‌واڵى عێراقى(اه‌ع)كه‌وتووه،ئه‌مڕۆ سێشه‌ممه،ڕایگه‌یاند"بۆ سێیه‌مین جاره له‌سه‌ر یه‌ك هێزه‌كانى هاوپه‌یمانى نێوده‌وڵه‌تى به‌رده‌وامه له‌پێشكه‌شكردنى هاریكارى سه‌ربازى بۆ هێزه ئه‌منییه‌كان عێراق"،ڕوونیشیكرده‌وه"6 سه‌كۆ له‌لایه‌ن ویلایه‌ته یه‌كگرتووه‌كان ڕه‌وانه‌ى فه‌رمانده‌یی هێزى ئاسمانى كراوه له‌گه‌ڵ له‌ژماره‌یه‌ك پارچه‌ى یه‌ده‌گى تایبه‌ت به‌فڕۆكه جه‌نگاوه‌رییه‌كان".
وتیشى"ئه‌م هاریكارییه پابه‌ندییه‌كى هێزه‌كانى هاوپه‌یمانانه له‌دابینكردن وئاماده‌كردنى هێزه ئه‌منییه‌كان عێراق بۆ به‌رده‌وامیدان به‌جه‌نگى دژى ڕێكخراوى تیرۆرستى داعش له‌عێراق".
