سه‌حاف:هه‌ردوو وه‌زیرى ده‌ره‌وه‌ى ئوردن ومیسر سبه‌ى سه‌ردانى عێراق ده‌كه‌ن وه‌ك ئاماده‌كارییه‌ك بۆ لوتكه‌ى سێقۆڵى
سیاسی
- 25-03-2021, 19:13
به‌غدا-اه‌ع
وه‌زاره‌تی ده‌ره‌وه،ئه‌مڕۆ پێنجشه‌ممه،دووپاتیكرده‌وه، به‌مه‌به‌ستی ئه‌نجامدانی كۆبونه‌وه‌ی لوتكه‌ى سێقۆڵى هه‌ردوو وه‌زیرى میسرى و ئوردنى سه‌ردانی به‌غدا ده‌كه‌ن.
ئه‌حمه‌د سه‌حاف وته‌بێژی وه‌زاره‌تی ده‌ره‌وه له‌لێدوانێكى بۆ ئاژانسى هه‌واڵى عێراقى(اه‌ع)كه‌وتووه،رایگه‌یاند، ئه‌یمه‌ن سه‌فدی وه‌زیری ده‌ره‌وه‌ی ئوردن و سامح شوكری وه‌زیری ده‌ره‌وه‌ی میسر سبه‌ی به‌سه‌ردانێك ده‌گه‌نه عێراق و له‌لایه‌ن فوئاد حسێن وه‌زیری ده‌ره‌وه‌ی عێراقه‌وه له‌فڕۆكه‌خانه‌ى به‌غدا پێشوازیان لێده‌كرێت".
ئه‌وه‌شی خسته‌ڕو، گفتوگۆكانی نێوان هه‌رسێ وڵاتی عێراق و ئوردن و میسر گرنگ ده‌بێت به‌مه‌به‌ستی په‌ره‌پێدانی كاری هاوبه‌ش و میكانیزمی هه‌ماهه‌نگی سێقۆڵى له نێوان به‌غدا وعه‌مان وقاهیره"،ڕوونیشیكرده‌وه"گفتوگۆكان له‌سه‌رجه‌م ئاسته‌كان ده‌بن وه‌ك ئاماده‌كارییه‌ك بۆ سازكردنى لوتكه‌كه له‌سه‌ر ئاستى سه‌رۆكه‌كان له‌به‌غدا".
