بوومه‌له‌رزه‌یه‌ك ناوچه ئاوییه‌كانی ویلایه‌تی مییاگی له ژاپۆن هه‌ژاند
جیهانی
- 20-03-2021, 13:33
چاودێرى-اه‌ع
بومه‌له‌رزه‌یه‌ك به گوڕی حەوت پۆینت دوو پله ناوچه ئاوییه‌كانی ویلایه‌تی مییاگی له ژاپۆن هه‌ژاند.
ئاژانسی كه‌شناسی ژاپۆن بڵاویكرده‌وه، له ویلایه‌تی مییاگی بومه‌له‌رزه‌یه‌ك به قوڵایی شه‌ست كیلۆمه‌تر له قوڵایی ژێر زه‌ویدا رویداوه، ئاماژەی بەوەشکردوە دوای بومه‌له‌رزه‌كه پێده‌چێت تسونامی له ناوچه‌كه روبدات و گەردەلولێكی به‌هێز كه‌ناره‌وه‌كانی ژاپۆن و كۆریای باشور و باكور بهه‌ژێنێت .
ئاژانسی كه‌شناسی ژاپۆن باسی لەوەشکردوە، بومه‌له‌رزه‌كە له سه‌رتاسه‌ری باكوری ژاپۆن هه‌ستی پێكراوە، به‌ڵام تا ئێستا زیانه‌كانی ئه‌و بومه‌له‌رزه‌یه نه‌زانراوه.
سه‌رچاوه:روسیا ئه‌لیه‌وم
