ئۆپراسیۆنى به‌غدا هەوڵێكی تیرۆریستی له باشورى به‌غدا پۆچه‌ڵكرده‌وه
ئەمنی
- 17-03-2021, 08:50
به‌غدا-اه‌ع
فەرماندەیی ئۆپراسیۆنەكانی بەغدا،ئه‌مڕۆ چوارشه‌ممه،رایگه‌یاند هه‌وڵێكى تیرۆرستیان له باشورى به‌غدا پۆچه‌ڵكرده‌وه .
فه‌رمانده‌ى ئۆپراسیۆنه‌كانى به‌غدا لە ڕاگەیەندراوێكدا كه ده‌ستى ئاژانسى هه‌واڵى عێراقى(اه‌ع) كه‌وتووه رایگه‌یاند: “هێزە سەربازییەكان سەربە فەوجی یەك لە لیوای 55 و هۆبەی هەواڵگریی فیرقەی 17، ئۆپراسیۆنێكیان لە باشووری بەغداد ئەنجامدا بۆ پاككردنەوەی ئەو ناوچەیە لە شانەكانی داعش”.
ئەوەش ئاشكراكراوە، “لەڕێی كامێراكانی گەرمیپێوەوە جوڵەكانی سێ تیرۆریستی داعش ئاشكراكران، دواتر هێزێكی سەربازی ڕوبەڕوویان بوونەوە و یەكێك لەو تیرۆریستانە كوژران و دووانی دیكەیان هەڵهاتن، هەوڵە تیرۆریستییەكەیان پوچەڵكرانەوە”.
ئاماژەی بەوەكرا، ئەوان بەردەوام دەبن لە ئۆپراسیۆنەكانیان بۆ پاككردنەوەی ئەو ناوچانە لە “چەكدارانی داعش”.
