لیژنه‌ى دارایی نوێنه‌رایه‌تى میكانزمێك ده‌خاته‌ڕوو بۆ ئاماده‌كردنى شێوازى كۆتایی یاساى كورتهێنانى دارایی
- 7-11-2020, 00:00
به‌غدا-اه‌ع-كه‌رار خه‌لیل
و:سۆما جاف
لیژنه‌ى دارایی نوێنه‌رایه‌تى،ئه‌مڕۆ شه‌ممه،میكانزمێكى خسته‌ڕوو بۆ ئاماده‌كردنى شێوازى كۆتایی یاساى كورتهێنانى دارایی.
جه‌مال كۆچه‌ر ئه‌ندامى لیژنه‌كه بۆ ئاژانسى هه‌واڵى عێراقى(اه‌ع)ڕایگه‌یاند"ئاماده‌كردنى شێوازى كۆتایی بۆ یاساى كورتهێنانى دارایی له‌دواى گوێگرتن له‌ڕاوبۆچوونى فراكسیۆنه سیاسییه‌كان وئه‌ندامانى ئه‌نجومه‌نى نوێنه‌ران له‌خوێندنه‌وه‌ى دووه‌م ده‌بێت".
ئاماژه‌یشى دا"لیژنه‌ى دارایی دانیشتنێكى تر سازده‌كات بۆ پێداوچوونه‌وه‌ى سه‌رنجه‌كان،بۆ ئه‌وه‌ى شێوازى كۆتایی بۆ یاساكه دابنرێت".
ئه‌نجومه‌نى نوێنه‌ران ئه‌مڕۆ شه‌ممه،دانیشتنى خۆى سازده‌كات كه‌له‌سه‌ر خشته‌ى كاره‌كانى خوێندنه‌وه‌ى دووه‌م هه‌یه بۆ یاساى قه‌رزكردن كه‌لایه‌ن وه‌زاره‌تى داراییه‌وه پێشكه‌شكراوه ،شایه‌نى باسه لیژنه‌ى ئابوورى ووه‌به‌رهێنان دوێنێ دووپاتیكرده‌وه ئاراسته‌یه‌ك هه‌یه بۆ سنوورداركردنى پاره‌ى قه‌رزكردنه‌كه بۆ ئه‌وه‌ى ته‌نها بۆ ده‌سته‌به‌ركردنى مووچه بێت.
