عێراق و میسر 15 یاداشتی لێكتێگه‌یشتن و به‌رنامه‌ی هاوكاریانان واژۆكرد
- 31-10-2020, 00:00
به‌غدا-اه‌ع
له كۆبونه‌وه‌ی شاندی باڵای عێراق و میسر،ئه‌مڕۆ شه‌ممه،به‌ئاماده‌بونی سه‌رۆك وه‌زیرانی هه‌ردو وڵات 15 یاداشتی لێكتێگه‌یشتن و به‌رنامه‌ی هاوكاریانان واژۆكرد.
به‌گوێره‌ی ڕاگه‌یه‌ندراوێكى نوسینگه‌ی راگه‌یاندنی سه‌رۆك وه‌زیران كه‌ده‌ستى ئاژانسى هه‌واڵى عێراقى(اه‌ع)كه‌وتووه،عێراق 15 یاداشتی لێكتێگه‌یشتن و به‌رنامه‌ی هاوكاری له‌گه‌ڵ میسر له بواره جیاجیاكاندا له مه‌راسیمێكی فه‌رمیدا به ئاماده‌بونی مسته‌فا كازمی سه‌رۆك وه‌زیران و مسته‌فا مه‌دبولی سه‌رۆك وه‌زیرانی میسر واژۆكرا.
به‌گوێره‌ی ڕاگهیهندراوهكه، یاداشته‌كان په‌یوه‌ست بون به بواره‌كانی ( گواستنه‌وه، سه‌رچاوه‌كانی ئاو، ته‌ندروستی، ژینگه، دادپه‌روه‌ری، وه‌به‌رهێنان، نیشته‌جێبون، ئاوه‌دانكردنه‌وه، پیشه‌سازی و بازرگانی، دارایی و چه‌ند بوارێكی دیكه).
سالار عه‌بدولستار وه‌زیری داد و ڕانیا مه‌شات وه‌زیری هه‌ماهه‌نگی نێوده‌وڵه‌تی میسر، یاداشتێكی لێكتێگه‌یشتنیان واژۆكرد، بۆ هاوكاری و مه‌شقپێكردن و ئاڵوگۆڕی شاره‌زایی له بواری داد و دادپه‌روه‌ریدا .
مه‌هدی ڕه‌شید حه‌مدانی وه‌زیری سه‌رچاوه‌كانی ئاو، واژۆی له‌سه‌ر یاداشتی لێكتێگه‌یشتن كرد بۆ هاوكاری له‌سه‌رچاوه‌كانی ئاو و ئاودێری له‌گه‌ڵ ڕانیا مه‌شات وه‌زیری هه‌ماهه‌نگی نێوده‌وڵه‌تی میسر.
ته‌ها ئه‌حمه‌د عه‌بدولسه‌لام به‌ڕێوه‌به‌ری جێبه‌جێكاری بۆرسه‌ی عێراق، واژۆی له‌سه‌ر یاداشتی هاوكاری نێوان بۆرسه‌ی عێراق و بۆرسه‌ی میسر كرد، كه تێیدا ڕانیا مه‌شات وه‌زیری هه‌ماهه‌نگی نێوده‌وڵه‌تی میسر ئاماده‌بو.
له بواری ژینگه‌دا، حه‌سه‌ن محه‌مه‌د ته‌میمی وه‌زیری ته‌ندروستی و ژینگه له‌گه‌ڵ رانیا مه‌شات وه‌زیری هه‌ماهه‌نگی نێوده‌وڵه‌تی میسر، دوه‌م به‌رنامه‌ی جێبه‌جێكاری بۆ هاوكاری ته‌كنیكی له بواری پاراستنی ژینگه‌دا واژۆكرد .
له بواری ته‌ندروستیدا، له‌لایه‌ن حه‌سه‌ن ته‌میمی وه‌زیری ته‌ندروستی و ژینگه و رانیا مه‌شات وه‌زیری هه‌ماهه‌نگی نێوده‌وڵه‌تی میسر یاداشتی لێكتێگه‌یشتن له بواره‌كانی ته‌ندروستی و ده‌رمان و مه‌شق و ڕاهێنان واژۆكرا.
له بواری گواستنه‌وه‌دا ، ناسر حسێن به‌نده‌ر وه‌زیری گواستنه‌وه و كامل وه‌زیر وه‌زیری گواستنه‌وه‌ی میسر ڕێككه‌وتننامه‌ی كه‌شتی گواستنه‌وه‌یان واژۆكرد.
نازه‌نین محه‌مه‌د وسو وه‌زیری ئاوه‌دانكردنه‌وه و نیشته‌جێكردن و شاره‌وانییه‌كان و كامیل وه‌زیر وه‌زیری گواستنه‌وه‌ی میسر یاداشتێكی لێكتێگه‌یشتنیان له بواری ڕێگه‌وبان و پرده‌كان واژۆكرد، هه‌روه‌ها ڕه‌شنوسی یاداشتی هاوكاری له بواری نیشته‌جێكردن و بیناسازی واژۆكرد.
له بواری بازرگانیدا عه‌لا ئه‌حمه‌د حه‌سه‌ن وه‌زیری بازرگانی و نیڤین جامع وه‌زیری بازرگانی و پیشه‌سازی میسر، یاداشتی لێكتێگه‌یشتنیان له‌سه‌ر ڕێكه‌وتننامه‌كانی ڕێكخراوی بازرگانی بازرگانی و ستراتیژی پێشانگاكان واژۆكرد، هه‌روه‌ها له‌بواری پیشه‌سازیدا، یاداشتێكی لێكتێگه‌یشتنیان له‌بواری هاریكاری پیشه‌سازی و پرۆتۆكۆلی هاوكاری له‌بواری پاراستن و رێگه‌گرتن له‌به‌فیڕۆدان واژۆكرد.
هه‌روه‌ها مه‌نحه‌ل مه‌حمود عه‌بدولڕه‌حمان وه‌زیری پیشه‌سازی و ئه‌حمه‌د سه‌میر فه‌ره‌ج سه‌رۆكی ئاژانسی پاراستنی به‌كاربه‌ری میسر به‌كرده‌وه ، یاداشتێكی لێكتێگه‌یشتنیان له‌سه‌ر پاراستنی به‌كاربه‌ر واژۆكرد.
سوها نه‌جار سه‌رۆكی جێبه‌جێكاری ده‌سته‌ی گشتی وه‌به‌رهێنان و محه‌مه‌د عه‌بدولوه‌هابی هاوتا میسریه‌كه‌ی واژۆیان له‌سه‌ر یاداشتی لێكتێگه‌یشتن كرد له‌سه‌ر وه‌به‌رهێنان .
هه‌ر به‌گوێره‌ی ڕاگهیهندراوهكه، پرۆتۆكۆلێكی هاوكاری هاوبه‌ش له‌نێوان یه‌كێتی پیشه‌سازییه‌كانی عێراق و یه‌كێتی پیشه‌سازییه‌كانی میسر واژۆكرا كه لایه‌نی عێراقی له‌لایه‌ن عه‌لی سه‌بیح عه‌لی ساعدی سه‌رۆكی یه‌كێتی پیشه‌سازیه‌كانی عێراق و محه‌مه‌د زه‌كی سویدی سه‌رۆكی یه‌كێتی پیشه‌سازیه‌كانی میسره‌وه واژۆكرا.
کۆمکاری عەرەبی پشتیوانی له‌داواکاری عێراق ده‌كات
- سیاسی
- 02:48
